ഷാജി പാടൂർ സംവിധാനം ചെയ്ത അബ്രഹാമിന്റെ സന്തതികളുടെ വിജയാഘോഷം കോഴിക്കോട് നടന്നു. ചിത്രത്തെവ് വലിയ വിജയമാക്കിയ ആരാധകർക്ക് നന്ദി പറഞ്ഞ് മെഗാസ്റ്റാർ മമ്മൂട്ടി. കോഴിക്കോട് വെച്ച് നടന്ന ആഘോഷവേളയിൽ സംസാരിക്കുകയായിരുന്നു മമ്മൂട്ടി.
‘എബ്രഹാമിന്റെ സന്തതികൾ ഒരു വലിയ വിജയമാക്കിയതിന്റെ ആഘോഷത്തിലാണ് നമ്മൾ. കേരളത്തിൽ മാത്രമല്ല, ലോകമെമ്പാടും ചിത്രം വിജയകരമായി പ്രദർശനം തുടരുകയാണ്. ഇത്രയും വിശാലമായൊരു റിലീസ് മലയാളത്തിൽ അപൂർവ്വമായിട്ടാണ് സംഭവിക്കുന്നത്. വലുതും ചെറുതുമായ സിനിമകൾ ജനങ്ങൾ കാണണം‘ - മമ്മൂട്ടി പറഞ്ഞു.
നിരവധി റെക്കോർഡുകൾ ബ്രേക്ക് ചെയ്ത് ചിത്രം മുന്നേറുകയാണ്. ഇപ്പോഴും നിരവധി തിയേറ്ററുകൾ ഹൌസ്ഫുൾ ആണ്. മമ്മൂട്ടി, ആൻസൺ പോൾ, രൺജി പണിക്കർ, സിദ്ദിഖ് തുടങ്ങിയവരാണ് പ്രധാന കഥാപാത്രങ്ങൾ.