കുഞ്ഞാലിമരയ്ക്കാർ വരുന്നു! റെക്കോർഡുകൾ പൊട്ടിക്കാൻ മമ്മൂട്ടി!

മമ്മൂട്ടി ആരാധകർക്കൊരു സന്തോഷ വാർത്ത

ആരാധകരുടെ കാത്തിരുപ്പുകൾക്കൊടുവിൽ കുഞ്ഞാലിമരയ്ക്കാർ ഔദ്യോഗികമായി പ്രഖ്യാപിച്ചത് കഴിഞ്ഞ വർഷമാണ്. മമ്മൂട്ടിയെ നായകനാക്കി ഓഗസ്റ്റ് സിനിമയുടെ ബാനറിൽ സന്തോഷ് ശിവൻ ഒരുക്കുന്ന  കുഞ്ഞാലിമരക്കാറിന്റെ പ്രീ പ്രൊഡക്ഷൻ ആരംഭിച്ചു. നിർമാതാവ് ഷാജി നടേശൻ ഫേസ്ബൂക്കിലൂടെയാണ് പ്രീ പ്രൊഡക്ഷൻ ആരംഭിച്ച വിവരം അറിയിച്ചത്. ചിത്രത്തിന്റ ഷൂട്ടിംഗ് ഈ വർഷം ജൂലൈയിൽ തുടങ്ങും.

വമ്പന്‍ പ്രോജക്ടില്‍ മമ്മൂട്ടിയുടെ കുഞ്ഞാലി മരക്കാർ ആരംഭിക്കുന്ന വിവരം നേരത്തേ ഏറെ ആഹ്ലാദത്തോടെയാണ് ആരാധകർ ഏറ്റെടുത്തിരുന്നത്. കുഞ്ഞാലി മരയ്ക്കാർ 4 ആണ് വരുന്നത്. 1498 ല്‍ ഇന്ത്യയിലെത്തിയ പറങ്കികളുമായി കപ്പല്‍ യുദ്ധങ്ങളില്‍ ഏര്‍പ്പെട്ടിട്ടുള്ള യോദ്ധാവാണ് കുഞ്ഞാലിമരക്കാര്‍.  

കോഴിക്കോട്ടേ സാമൂതിരി രാജാവിന്റെ നാവികപ്പടയുടെ നായകനായിരുന്ന മുഹമ്മദ് കുഞ്ഞാലി മരക്കാരുടെ വേഷത്തില്‍ നേരത്തേ ഒരു ലൈറ്റ് ആന്‍ഡ് സൗണ്ട് ഷോയില്‍ മമ്മൂട്ടി വേഷമിട്ടിരുന്നു. നേരത്തേ കുഞ്ഞാലിമരയ്ക്കാർ എന്ന പേരിൽ 1967ൽ ഒരു സിനിമ റിലീസ് ചെയ്തിരുന്നു. ചന്ദ്രതാരാ പ്രൊഡക്ഷൻസിന്റെ ബാനറിൽ ടി കെ പരീക്കുട്ടി നിർമിച്ച് എസ് എസ് രാജൻ സംവിധാനം ചെയ്ത ചിത്രത്തിൽ പ്രേംനസീർ ആയിരുന്നു നായകൻ.