Mammootty and Manoj K Jayan: 'ബിലാല് പഴയ ബിലാല് തന്നെയാണ്'; ചിത്രം പങ്കുവച്ച് മനോജ് കെ ജയൻ

മമ്മൂട്ടി ആരോ​ഗ്യവാനായിരിക്കുന്നുവെന്നും നടൻ കുറിച്ചിട്ടുണ്ട്.

മലയാളികളുടെ പ്രിയപ്പെട്ട നടൻമാരിലൊരാളാണ് മനോജ് കെ ജയൻ. ഇപ്പോഴിതാ തന്റെ ജീവിതത്തിലെ ഏറ്റവും വലിയ സന്തോഷം പങ്കുവച്ചിരിക്കുകയാണ് മനോജ്. മമ്മൂട്ടിയ്ക്കൊപ്പമുള്ള കൂടിക്കാഴ്ചയുടെ ചിത്രങ്ങളാണ് മനോജ് കെ ജയൻ പങ്കുവച്ചിരിക്കുന്നത്. മമ്മൂട്ടി ആരോ​ഗ്യവാനായിരിക്കുന്നുവെന്നും നടൻ കുറിച്ചിട്ടുണ്ട്. 

'ലണ്ടൻ പഴയ ലണ്ടൻ അല്ലായിരിക്കാം.., പക്ഷേ ബിലാല് പഴയ ബിലാല് തന്നെയാണ്. പ്രിയപ്പെട്ട മമ്മൂക്കയെ ലണ്ടനിൽ വച്ച് കഴിഞ്ഞദിവസം കണ്ടപ്പോൾ..ഒരുപാട് സന്തോഷം..മമ്മൂക്ക വളരെ സന്തോഷവാനായി., ആരോഗ്യവാനായിരിക്കുന്നു ദൈവത്തിനു നന്ദി"- എന്നാണ് ചിത്രങ്ങൾക്കൊപ്പം മനോജ് കെ ജയൻ കുറിച്ചിരിക്കുന്നത്.

അതേസമയം, മഹേഷ് നാരായണൻ സംവിധാനം ചെയ്യുന്ന 'പാട്രിയറ്റിന്റെ' ചിത്രീകരണത്തിനായാണ് മമ്മൂട്ടി ലണ്ടനിലെത്തിയത്. ‘പാട്രിയറ്റി’ന്റെ യുകെയിലെ ചിത്രീകരണ ദൃശ്യങ്ങൾ നേരത്തെ പുറത്തുവന്നിരുന്നു. പാട്രിയറ്റിന്റെ ചിത്രീകരണം പുരോ​ഗമിച്ചു കൊണ്ടിരിക്കുകയാണ്.