കല്യാണിന്റെ നവരാത്രി ആഘോഷ ചടങ്ങില്‍ പങ്കെടുക്കാനായി ദിലീപ് എത്തിയത് കുടുംബസമേതമായിരുന്നു. ഇതിൽ ക്യാമറകണ്ണുകളുടെ ശ്രദ്ധ മുഴുവൻ മീനാക്ഷിയിൽ ആയിരുന്നു.
ഇപ്പോഴിതാ നവരാത്രി ആഘോഷത്തിനിടയിലെ ചിത്രങ്ങള്‍ പങ്കിട്ടിരിക്കുകയാണ് താരപുത്രി. ആഘോഷത്തിൽ പങ്കെടുക്കാൻ മാമാട്ടിയും കാവ്യ മാധവനും മീനാക്ഷിക്കൊപ്പം ഉണ്ടായിരുന്നു.
ഗോള്‍ഡന്‍ കളറിലുള്ള ഗൗണായിരുന്നു വേഷം. മാല ഇല്ലാതെ, കമ്മൽ മാത്രമാണ് ആഭരണമായുള്ളത്. പതിവുപോലെ തന്നെ ചിരിച്ച് പോസ് ചെയ്തിരിക്കുകയാണ് മീനൂട്ടി. നവരാത്രി എന്ന ക്യാപ്ഷനോടെയാണ് ചിത്രങ്ങള്‍ പങ്കുവെച്ചത്.
മീനാക്ഷിയുടെ ചിത്രങ്ങൾ സോഷ്യൽ മീഡിയയിൽ ശ്രദ്ധേയമാകുന്നുണ്ട്. ഇതിന് മുൻപും മീനാക്ഷി പങ്കുവെയ്ക്കുന്ന ചിത്രങ്ങൾ സോഷ്യൽ മീഡിയയിൽ വൈറലാകാറുണ്ട്.
അച്ഛന്റെയും അമ്മയുടെയും പാത പിന്തുടരാതെ ഡോക്ടറാകുക എന്ന ലക്ഷ്യമാണ് മീനാക്ഷിക്ക്. സിനിമയോട് ഇതുവരെ മീനാക്ഷി താൽപ്പര്യം പ്രകടിപ്പിച്ചിട്ടില്ല.
എന്നാൽ, ഇടയ്ക്ക് ചില നൃത്ത വീഡിയോകൾ എല്ലാം മീനാക്ഷി ഇൻസ്റ്റഗ്രാമിൽ പങ്കുവെയ്ക്കാറുണ്ട്. അടിപൊളി ലുക്കാണല്ലോ, കൃതി ഷെട്ടിയെപ്പോലെയുണ്ടെന്നുള്ള കമന്റുകളും ഫോട്ടോയുടെ താഴെയുണ്ട്.
