മോഹന്‍ലാല്‍ നായകനായെത്തുന്ന പുതിയ പടം,'മോഹന്‍ലാല്‍ 353'എന്ന് താല്‍ക്കാലിക പേരിലറിയപ്പെടുന്ന ചിത്രത്തെക്കുറിച്ചുള്ള പുതിയ വിവരങ്ങളാണ് പുറത്തു വരുന്നത്.അതിരന്‍ സംവിധായകന്‍ വിവേക് ഒരുക്കുന്ന മലയാള സിനിമയിലെ യുവ താരങ്ങളും ഉണ്ടാകുമെന്നാണ് കേള്‍ക്കുന്നത്.
യുവ സംവിധായകന്റെ ചിത്രത്തില്‍ അഭിനയിക്കുന്നതിനുള്ള ത്രില്ലിലാണ് മോഹന്‍ലാലും. പാന്‍ ഇന്ത്യന്‍ ലെവല്‍ ചിത്രമാണെന്നും റിപ്പോര്‍ട്ടുകളുണ്ട്.
പുതിയ ചിത്രത്തെ കുറിച്ച് മോഹന്‍ലാല്‍ പറഞ്ഞത് ഇങ്ങനെ.
മൂന്നരപ്പതിറ്റാണ്ടിന്റെ സ്നേഹബന്ധമാണ് തനിക്ക് ഷിബു ബേബി ജോണുമായി. ആ ബന്ധം ഒരു സംയുക്ത സംരഭത്തിലേക്ക് കടക്കാന്‍ പോകുകയാണ്. അദ്ദേഹത്തിന്റെ പുതിയ സിനിമ നിര്‍മാണ കമ്പനിയായ ജോണ്‍ ആന്‍ഡ് മേരി ക്രിയേറ്റീവും സെഞ്ച്വറി കൊച്ചുമോന്റെ സെഞ്ച്വറി ഫിലിംസും, കെ.സി. ബാബു പങ്കാളിയായ മാക്സ് ലാബും ചേര്‍ന്ന് നിര്‍മിക്കുന്ന പടത്തില്‍ നായകനായി താന്‍ എത്തുകയാണ്. യുവ സംവിധായകന്‍ വിവേക് ആണ് സിനിമ സംവിധാനം ചെയ്യുന്നത്. ജീത്തു ജോസഫ് സംവിധാനം ചെയ്യുന്ന റാം എന്ന സിനിമ ചെയ്ത് കഴിഞ്ഞാല്‍ ഇവരുടെ സിനിമയില്‍ താന്‍ പങ്കുചെയ്യുമെന്നും സിനിമയുമായി ബന്ധപ്പെട്ട് കൂടുതല്‍ വിവരങ്ങള്‍ വേഗം തന്നെ നിങ്ങളുമായി ഷെയര്‍ ചെയ്യുമെന്നും മോഹന്‍ലാല്‍ പറഞ്ഞു.
മോന്‍സ്റ്റര്‍, ബറോസ്,റാം,എമ്പുരാന്‍ തുടങ്ങിയ മോഹന്‍ലാല്‍ ചിത്രങ്ങള്‍ക്കായി കാത്തിരിക്കുകയാണ് ആരാധകര്‍.
