ഇളയദളപതി വിജയ് രാഷ്ട്രീയത്തിലേക്ക് ഇറങ്ങുന്നതിനെ കുറിച്ചാണ് എങ്ങും ചര്‍ച്ച. വന്‍ ഹിറ്റുകള്‍ എന്നും കോളിവുഡിന് സമ്മാനിക്കാനുള്ള നടന്‍ അഭിനയത്തില്‍ നിന്ന് മാറി നില്‍ക്കുമ്പോള്‍ നഷ്ടം സിനിമ ലോകത്തിന് തന്നെ. എന്നാല്‍ കേരളത്തിലെ ബോക്‌സ് ഓഫീസ് കണക്കുകളിലും വിജയുടെ സ്ഥാനം മുന്‍പന്തിയിലാണ്. മോളിവുഡിലെ മികച്ച ബോക്‌സ് ഓഫീസ് ഓപ്പണിംഗ് കളക്ഷന്‍ സിനിമകളുടെ കണക്കുകളുടെ ലിസ്റ്റ് എടുത്താല്‍ അതില്‍ ഏറ്റവും മുന്നേ വിജയുടെ പേരുകാണും. ലിയോയാണ് റെക്കോര്‍ഡ് ഇട്ടിരിക്കുന്നത്.മോഹന്‍ലാലിനെയും യാഷിനെയുമൊക്കെ മറികടന്നാണ് വിജയ് ചിത്രം ഒന്നാമത് എത്തിയത്.
കേരളത്തില്‍ നിന്ന് 12 കോടി നേടി ലിയോ ഒന്നാമത് എത്തി.യാഷിന്റെ കെജിഎഫ് 2 രണ്ടാമതും എത്തിയപ്പോള്‍ മലയാള സിനിമ മൂന്നാം സ്ഥാനത്ത് എന്നതാണ് കൗതുകം. മോഹന്‍ലാലിന്റെ ഒടിയന്‍ മൂന്നാമതും മരക്കാര്‍ നാലാം സ്ഥാനവും സ്വന്തമാക്കി. 7.30 കോടിയാണ് കെജിഎഫ് 2 റിലീസ് ദിവസം കേരളത്തില്‍നിന്ന് മാത്രം നേടിയത്.7.25 കോടി ഒടിയന്‍ സ്വന്തമാക്കിയപ്പോള്‍ മരക്കാര്‍ ആദ്യദിവസം 6.60 കോടി രൂപയാണ് വാരിക്കൂട്ടിയത്.
കേരള ബോക്‌സ് ഓഫീസ് ഓപ്പണിങ് കളക്ഷനില്‍ വിജയുടെ ബീസ്റ്റ് നാലാമത് ഫിനിഷ് ചെയ്തു.6.60 കോടിയാണ് കോവിഡ് കാലത്ത് പ്രദര്‍ശനത്തിന് എത്തിയ ചിത്രം നേടിയത്.
വിജയിന്റെ സര്‍ക്കാര്‍ 6.20 കോടി രൂപ നേടി കേരള ബോക്‌സ് ഓഫീസ് ഓപ്പണിങ് കളക്ഷനില്‍ ഏഴാം സ്ഥാനം ഉറപ്പിച്ചു. എട്ടാം സ്ഥാനമേ മമ്മൂട്ടി ചിത്രത്തിന് നേടാനായുള്ളൂ.ഭീഷ്മ പര്‍വം റിലീസ് ദിവസം നേടിയത് 6.15 കോടി രൂപയാണ്.
കേരള ബോക്‌സ് ഓഫീസില്‍ ഏറ്റവും അധികം പണം വാരിക്കൂട്ടിയ ഇതര സിനിമകളുടെ ലിസ്റ്റ് എടുത്താലും അതില്‍ ലിയോ ആണ് മുന്നില്‍. ലിയോ 60 കോടി രൂപയിലധികം നേടി മൂന്നാം നേടിയപ്പോള്‍ വിജയുടെ തന്നെ ബിഗിലാണ് 19.50 കോടി രൂപ നേടി ഒമ്പതാം സ്ഥാനത്ത്.കേരള ബോക്‌സ് ഓഫീസിലെ തമിഴകത്തിന്റെ കളക്ഷനില്‍ ഒന്നാമത് വിജയ് നായകനായ ലിയോയാണ്.കേരള ബോക്‌സ് ഓഫീസിലെ ആകെ കളക്ഷന്‍ കണക്കെടുക്കുമ്പോള്‍ ലിയോ തന്നെയാണ് ആറാമത്.
