ദൃശ്യം 2 വിന് ശേഷം മോഹന്‍ലാല്‍-ജീത്തു ജോസഫ് വിജയ കൂട്ടുകെട്ട് വീണ്ടും ഒന്നിക്കുന്ന ചിത്രമാണ് ട്വല്‍ത്ത് മാന്‍. നിഗൂഢത ഒളിപ്പിച്ചുവെച്ച ഒരു ത്രില്ലറാണ് ട്വല്‍ത്ത് മാന്‍. കൂടുതല്‍ വിവരങ്ങളൊന്നും സിനിമയെ കുറിച്ച് അണിയറ പ്രവര്‍ത്തകര്‍ പുറത്തുവിട്ടിട്ടില്ല.
മേയ് 20 നാണ് ചിത്രത്തിന്റെ റിലീസ്. അതായത് മേയ് 19 വ്യാഴാഴ്ച രാത്രി 12 മണിക്ക് തന്നെ ഡിസ്‌നി പ്ലസ് ഹോട്ട് സ്റ്റാറില്‍ സിനിമയെത്തുമെന്നാണ് വിവരം. 145 മിനിറ്റാണ് സിനിമയുടെ ദൈര്‍ഘ്യം.
കെ.ആര്‍.കൃഷ്ണ കുമാറാണ് ചിത്രത്തിന്റെ തിരക്കഥ. നിര്‍മ്മാണം ആന്റണി പെരുമ്പാവൂര്‍. ഉണ്ണി മുകുന്ദന്‍, സൈജു കുറുപ്പ്, ശിവദ, അനുശ്രീ, രാഹുല്‍ മാധവ്, അനു സിത്താര, ലിയോണ ലിഷോയ്, പ്രിയങ്ക നായര്‍ എന്നിവരാണ് മറ്റ് പ്രധാന അഭിനേതാക്കള്‍.
