2023 മോഹന്‍ലാലിന് സമ്മാനിച്ച വിജയമാണ് നേര്. വന്‍ തിരിച്ചു വരവാണ് അദ്ദേഹം ഈ സിനിമയിലൂടെ നടത്തിയിരിക്കുന്നത്. ബോക്‌സ് ഓഫീസിലും മിന്നും പ്രകടനം ജീത്തു ജോസഫ് ചിത്രം കാഴ്ചവച്ചു.യുഎഇയിലും നേരിന് വലിയ കളക്ഷന്‍ നേടാനായി.
യുഎയില്‍ നേര് ആകെ 7.1 കോടി നേടിയെന്നാണ് റിപ്പോര്‍ട്ടുകള്‍. കേരളത്തിലെ കളക്ഷന്‍ 11.9 കോടി എത്തി നില്‍ക്കുമ്പോഴാണ് യുഎയില്‍ ഇത്രയും വലിയ തുക നേടിയെടുത്തത്. സിനിമയുടെ ആഗോള കളക്ഷന്‍ 20.9 കോടി രൂപയാണ്. 50 കോടി വേഗത്തില്‍ മറികടക്കാന്‍ മോഹന്‍ലാല്‍ ചിത്രത്തിന് ആകുമെന്ന് പ്രതീക്ഷിക്കുന്നു.
വിജയമോഹന്‍ എന്ന വക്കീല്‍ കഥാപാത്രത്തെയാണ് മോഹന്‍ലാല്‍ ചിത്രത്തില്‍ അവതരിപ്പിച്ചത്.ശാന്തി മായാദേവിയും, ജീത്തു ജോസഫും ചേര്‍ന്നാണ് നേരിന്റെ തിരക്കഥ രചിച്ചിരിക്കുന്നത്. പ്രിയാമണി, സിദ്ദീഖ്, നന്ദു, ദിനേശ് പ്രഭാകര്‍, ശങ്കര്‍ ഇന്ദുചൂഡന്‍, മാത്യു വര്‍ഗീസ്, കലേഷ്, രമാദേവി, കലാഭവന്‍ ജിന്റോ, രശ്മി അനില്‍, ഡോ.പ്രശാന്ത് തുടങ്ങിയവരാണ് മറ്റു പ്രധാന വേഷങ്ങളില്‍ എത്തുന്നത്.ഛായാഗ്രാഹണം സതീഷ് കുറുപ്പ്. സംഗീതം വിഷ്ണു ശ്യാമും നിര്‍വഹിക്കുന്നു.
