'പുലിമുരുകന്‍ അല്ല അതുക്കും മേലെ..!' മോഹന്‍ലാലിനൊപ്പം സിനിമ ചെയ്യാന്‍ വൈശാഖ്; മോണ്‍സ്റ്ററിന്റെ ക്ഷീണം തീര്‍ക്കുമോ?

മോഹന്‍ലാലിനായി മറ്റൊരു കഥ തയ്യാറാക്കിയിട്ടുണ്ട്. മോണ്‍സ്റ്റര്‍ പരാജയപ്പെട്ടതിന്റെ ക്ഷീണം അതില്‍ തീര്‍ക്കുമെന്നാണ് വൈശാഖ് പറഞ്ഞത്

Vysakh and Mohanlal

മമ്മൂട്ടിയെ നായകനാക്കി വൈശാഖ് സംവിധാനം ചെയ്ത ടര്‍ബോ തിയറ്ററുകളില്‍ വന്‍ വിജയമായി മുന്നേറുകയാണ്. തുടര്‍ച്ചയായ രണ്ട് പരാജയങ്ങള്‍ക്കു ശേഷമാണ് ടര്‍ബോയിലൂടെ വൈശാഖ് വിജയവഴിയിലേക്ക് തിരിച്ചെത്തിയിരിക്കുന്നത്. അടുത്ത സിനിമയില്‍ മോഹന്‍ലാല്‍ ആയിരിക്കും നായകനെന്ന വെളിപ്പെടുത്തലാണ് വൈശാഖ് ഇപ്പോള്‍ നടത്തിയിരിക്കുന്നത്. ആരാധകരെ ആവേശത്തിലാക്കുന്ന അപ്ഡേറ്റാണ് ഇത്.

മലയാളത്തിലെ ആദ്യ നൂറ് കോടി ചിത്രമായ മോഹന്‍ലാലിന്റെ പുലിമുരുകന്‍ സംവിധാനം ചെയ്തത് വൈശാഖാണ്. അതിനേക്കാള്‍ വലിയ ആക്ഷന്‍ ചിത്രം സംവിധാനം ചെയ്യാനാണ് വൈശാഖ് മോഹന്‍ലാലിനൊപ്പം ഒന്നിക്കുന്നത്. മോഹന്‍ലാലും വൈശാഖും ഒന്നിച്ച അവസാന ചിത്രം മോണ്‍സ്റ്റര്‍ വലിയ പരാജയമായിരുന്നു. മോണ്‍സ്റ്ററിന്റെ ക്ഷീണം തീര്‍ക്കാനാണ് പുതിയ ചിത്രത്തിലൂടെ വൈശാഖ് ലക്ഷ്യമിടുന്നത്.

മോഹന്‍ലാലിനായി മറ്റൊരു കഥ തയ്യാറാക്കിയിട്ടുണ്ട്. മോണ്‍സ്റ്റര്‍ പരാജയപ്പെട്ടതിന്റെ ക്ഷീണം അതില്‍ തീര്‍ക്കുമെന്നാണ് വൈശാഖ് പറഞ്ഞത്. മോഹന്‍ലാലിനും തനിക്കും ആക്ഷന്‍ ഒരുപാട് ഇഷ്ടമാണ്. പുലിമുരുകനില്‍ കണ്ടതെല്ലാം ചെറുതാണ്. അടുത്ത ചിത്രത്തില്‍ ആക്ഷന്റെ വന്‍ പരിപാടി തന്നെ കാണാം. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ ആയിരിക്കും സിനിമ നിര്‍മിക്കുകയെന്നും വൈശാഖ് സൂചന നല്‍കി.