വിവാഹമോചനത്തിന് ശേഷം അമ്മ പെട്ടെന്ന് സന്തോഷവതിയായി: സാറാ അലി ഖാൻ

ബോളിവുഡിലെ തിരക്കേറിയ താരമാണ് സെയ്‌ഫ് അലി ഖാന്റെയും അമൃത സിംഗിന്റെ പുത്രിയായ സാറാ അലി ഖാൻ. നായികയായി നിരവധി ചിത്രങ്ങളാണ് സാറയുടേതായി റിലീസിന് തയ്യാറായി നിൽക്കുന്നത്. സാറാ അലിഖാന് 9 വയസ്സ് പ്രായമുള്ളപ്പോഴായിരുന്നു മാതാപിതാക്കളുടെ വേർപിരിയൽ. ഇപ്പോളിതാ മാതാപിതാക്കളുടെ വേർപിരിയലിനെ പറ്റി താരം നടത്തിയ പരാമർശങ്ങളാണ് ശ്രദ്ധ നേടുന്നത്.

മാതാപിതാക്കൾ എടുത്ത ഏറ്റവും നല്ല തീരുമാനമായിരുന്നു അതെന്നും സ്നേഹമില്ലാതെ ഒരു വീട്ടിൽ ഒരുമിച്ച് കഴിയുന്നതിലും നല്ലത് പരസ്-പര ബഹുമാനത്തോടെ വേർപിരിയലാണെന്നും സാറ പറയുന്നു.പത്ത് വർഷമായി ചിരിക്കാതിരുന്ന അമ്മ വിവാഹമോചനശേഷം പെട്ടെന്ന് സന്തോഷവതിയായിരിക്കുന്നത് കണ്ടുവെന്നാണ് സാറ അലി ഖാൻ പറയുന്നത്.

ചെറുപ്പത്തിൽ സമപ്രായക്കാരേക്കാൾ പക്വത എനിക്കുണ്ടായിരുന്നു. ഞാൻ ചെറുതായിരിക്കുമ്പോഴെ മാതാപിതാക്കൾ വീട്ടിൽ സന്തോഷത്തോടെയല്ല കഴിയുന്നതെന്ന് എനിക്ക് മനസിലായിരുന്നൂ.രണ്ട് വീടുകളിൽ ഇവർ താമസിക്കാൻ തുടങ്ങിയതോടെ ഇരുവരും സന്തോഷത്തോടെയിരിക്കുന്നതും ഞാൻ കണ്ടു. പ്രത്യേകിച്ച് അമ്മ, പത്ത് വർഷത്തോളം അമ്മ ചിരിച്ചിട്ടുണ്ടാകില്ലെന്നാണ് ഞാൻ കരുതുന്നത്, പെട്ടെന്ന് അതീവ സന്തോഷവതിയായി കണ്ടു. 

അവരുടെ മുഖത്ത് കൂടുതൽ തിളക്കവും ജീവിതത്തോട് കൂടുതൽ കൗതുകവുമെല്ലാം ഞാൻ കണ്ടു. അവർ അതിനെല്ലം അർഹയായിരുന്നു. താരം പറഞ്ഞു.രണ്ട് വീട്ടിൽ രണ്ടു പേരും സന്തോഷത്തോടെ ജീവിക്കുന്നത് കാണുമ്പോൾ അവർ വേർപിരിഞ്ഞതിൽ ഞാൻ എന്തിന് ദുഃഖിക്കണം? മാതാപിതാക്കൾ വേർപിരിഞ്ഞതിനെ കുറിച്ചുള്ള ചോദ്യങ്ങളോട് സാറ പറയുന്നു.