വേദനിപ്പിക്കുന്ന വാര്‍ത്ത പുറത്തുവിട്ട് ‘ബിലാലി’ന്റെ അമ്മ; നഫീസയുടെ വെളിപ്പെടുത്തല്‍ ഇന്‍സ്റ്റഗ്രാമിലൂടെ

മെഗാസ്‌റ്റാര്‍ മമ്മൂട്ടി നായകനായ സൂപ്പര്‍ഹിറ്റ് ചിത്രം ബിഗ് ബിയിലൂടെ മലയാളികളുടെ പ്രിയ താരമായി തീര്‍ന്ന നടിയാണ് നഫീസ അലി. സിനിമയില്‍ അവര്‍ അവതരിപ്പിച്ച മേരി ജോണ്‍ കുരിശിങ്കല്‍ എന്ന കഥാപാത്രം
ഏറെ ശ്രദ്ധിക്കപ്പെട്ടിരുന്നു.

നഫീസ അഭിനയിച്ച മേരി ജോണ്‍ കുരിശിങ്കല്‍ എന്ന കഥാപാത്രം കൊല്ലപ്പെടുന്നതും തുടര്‍ന്നുണ്ടാകുന്ന സംഭവികാസങ്ങളുമാണ് ബിഗ് ബിയില്‍ പറയുന്നത്. ചിത്രത്തിന്റെ രണ്ടാം ഭാഗത്തിന്റെ പണിപ്പുരയിലാണ് സംവിധായകന്‍ അമല്‍ നീരദ്.

ആരാധകര്‍ പ്രതീക്ഷയോടെ ചിത്രത്തെ കാത്തിരിക്കുന്നതിനിടെയാണ് തന്റെ ആരോഗ്യവിവരം സംബന്ധിച്ച  ഞെട്ടിപ്പിക്കുന്ന വാര്‍ത്ത നഫീസ പുറത്തുവിട്ടത്. തനിക്ക് കാന്‍സര്‍ ആണെന്നും ഇപ്പോള്‍ മൂന്നാം ഘട്ടത്തിലാണെന്നുമാണ് സാമൂഹ്യ പ്രവര്‍ത്തക കൂടിയായ ഇവര്‍ വ്യക്തമാക്കിയത്.

കഴിഞ്ഞ ദിവസം സുഹൃത്തും കോണ്‍ഗ്രസ് നേതാവുമായ സോണിയ ഗാന്ധിക്കൊപ്പമുള്ള ചിത്രം ഇന്‍സ്റ്റഗ്രാമില്‍ പോസ്റ്റ് ചെയ്തുകൊണ്ടാണ് കാന്‍സര്‍ വിവരം നഫീസ വെളിപ്പെടുത്തിയത്.

1976ല്‍ 19മത് വയസില്‍ ഫെമിന മിസ്സ് ഇന്ത്യയായി തിരഞ്ഞെടുക്കപ്പെട്ടു. 1977ല്‍ മിസ് ഇന്‍ര്‍നാഷണല്‍ മത്സരത്തില്‍ സെക്കന്റ് റണ്ണറപ്പായി. 1979ല്‍ ശ്യാം ബനഗല്‍ സംവിധാനം ചെയ്ത ജുനൂന്‍ എന്ന ഹിന്ദി ചിത്രത്തില്‍ ശശി കപൂറിന്റെ നായികയാണ് ചലച്ചിത്ര രംഗത്ത് അരങ്ങേറ്റം കുറിച്ചത്.