സിദ്ദിഖ് സംവിധാനം ചെയ്ത കിങ് ലെയർ എന്ന ചിത്രത്തിലൂടെ സിനിമാലോകത്തേക്ക് കടന്ന് വന്ന നടിയാണ് നടാഷ സൂരി. ചിത്രത്തിൽ നടാഷ എന്ന് തന്നെ പേരുള്ള മോഡലായിട്ടായിരുന്നു താരം എത്തിയിരുന്നത്. ഇപ്പോഴിതാ തന്റെ പേര് ഗൂഗിളില്‍ സെര്‍ച്ച് ചെയ്താല്‍ ലഭിക്കുന്നത് നഗ്‌നചിത്രങ്ങളാണെന്ന് പരാതി നല്‍കിയിരിക്കുകയാണ് നടി.
നടിയുടെ പരാതിയിന്മേല്‍ ഫ്‌ലിന്‍ റെമീഡിയോസ് എന്ന വ്യക്തിയുടെ പേരില്‍ എഫ് ഐ ആര്‍ രജിസ്റ്റര്‍ ചെയ്തിരിക്കുകയാണ്. നടാഷ സൂരി സിംഗ് എന്ന വ്യാജപ്പേരില്‍ ബാത്റൂമില്‍ നിന്നുമെല്ലാം ചില നഗ്‌നചിത്രങ്ങള്‍ മുഖം വ്യക്തമാക്കാതെ ഫ്‌ലിന്‍ അയാളുടെ വെബ്സൈറ്റില്‍ അപ്ലോഡ് ചെയ്തതിനാലാണ് അതിൽ തന്റെ ഫോട്ടോകൾ വരുന്നതെന്ന് താരം നൽകിയ പരാതിയിൽ പറയുന്നു.
സിദ്ദിഖ് സംവിധാനം ചെയ്ത് ദിലീപ്, മഡോണ തുടങ്ങിയവർ കേന്ദ്രകഥാപാത്രങ്ങളായി എത്തിയ ചിത്രമാണ് കിങ് ലയർ.