വിവാഹശേഷം അമ്മയെ കാണാനായി നയന്‍താരയും വിഘ്നേഷും കേരളത്തിലെത്തിയിരുന്നു. കല്യാണത്തിന് അമ്മയ്ക്ക് പങ്കെടുക്കാന്‍ സാധിച്ചിരുന്നില്ല. അമ്മയുടെ അനുഗ്രഹം തേടിയാണ് രണ്ടാളും കൊച്ചിയിലെത്തിയത്.
അമ്മയ്‌ക്കൊപ്പം ഇഷ്ടം ഭക്ഷണം കഴിക്കാനായി കഴിഞ്ഞ ദിവസം രാത്രി 11 മണിയോടെ പനമ്പിള്ളി നഗറിലെ മന്ന റെസ്റ്റോറന്റില്‍ നയന്‍താരയും വിഘ്നേഷും എത്തി. ഒരു മണിക്കൂറോളം ഇവിടെ സമയം ചെലവഴിച്ചു.
മുന്‍കൂട്ടി അറിയിക്കാതെ അപ്രതീക്ഷിതമായി എത്തിയ താരങ്ങളെ കണ്ടു റെസ്റ്റോറന്റ് ഉടമയെയും ജീവനക്കാരെയുമെല്ലാം ആദ്യം ഒന്ന് ഞെട്ടി പോയെങ്കിലും പിന്നീട് ഇഷ്ടഭക്ഷണങ്ങള്‍ വിളമ്പാന്‍ മത്സരിക്കുകയായിരുന്നു.ഈ റെസ്റ്റോറന്റില്‍ തന്നെ എത്താനും കാരണമുണ്ട്.
നയന്‍താരയുടെ കൊച്ചിയിലെ ഫ്‌ലാറ്റിലേക്ക് ഇവിടെനിന്ന് നേരത്തെയും ഭക്ഷണങ്ങള്‍ ഓര്‍ഡര്‍ ചെയ്തിട്ടുണ്ട്. ഭക്ഷണം കഴിച്ച് ഇഷ്ടപ്പെട്ട ശേഷമാണ് താര ദമ്പതിമാര്‍ റെസ്റ്റോറന്റിലേക്ക് നേരിട്ട് എത്തിയത്.