അജിതിനു നായികയായി വീണ്ടും നയൻ‌താര !

അജിതും നയൻ‌താരയും വീണ്ടുമൊന്നിക്കുന്നതായി റിപ്പോർട്ടുകൾ. എച്ച് വിനോദ് സംവിധാനം ചെയ്യുന്ന ചിത്രത്തിൽ അജിതിനു നയൻസ് ആയിരിക്കും നായികയെന്നാണ് പരക്കെയുള്ള സംസാരം. അങ്ങനെയെങ്കിലും ഇരുവരും ഒന്നിക്കുന്ന അഞ്ചാമത്തെ സിനിമയായിരിക്കും ഇത്. അജിതിന്റെ അറുപതാമത്തെ സിനിമയാണ് അണിയറയിൽ ഒരുങ്ങുന്നത്. 

ബില്ല, ആരംഭം, ഏകൻ, വിശ്വാസം എന്നീ ചിത്രങ്ങളിലാണ് നയൻസും അജിതും ഒന്നിച്ചത്. നേർക്കൊണ്ട പാർവ്വൈ ആണ് അജിത്തിന്റേതായി അവസാനമായി ഇറങ്ങിയ ചിത്രം. തന്റെ മറ്റൊരു ചിത്രത്തിന്റെ ലൊക്കേഷനിലാണ് താരമിപ്പോൾ. പുതിയ ചിത്രത്തിൽ പൊലീസ് കഥാപാത്രമായിട്ടാണ് തല എത്തുന്നത്. 

വിജയ് നായകനാകുന്ന ബിഗിലിൽ നയൻ‌താര ആണ് നായിക. ചിത്രം ഈ ദീപാവലിക്ക് റിലീസ് ആകും. രജനികാന്ത് കേന്ദ്രകഥാപാത്രമാകുന്ന ദർബാർ ആണ് നയൻസിന്റേതായി റിലീസ് ആകാനുള്ള മറ്റൊരു ചിത്രം. വിഘ്നേഷ് ശിവ നിർമിക്കുന്ന ഒരു ചിത്രവും നയൻ‌താരയുടേതായി അണിയറയിൽ ഒരുങ്ങുന്നുണ്ട്.