'ഡെമിയുടെ സ്വർഗ്ഗത്തെ പ്രിയങ്ക തട്ടിയെടുത്തു, ബന്ധം തകർന്നതും അവൾ ലഹരിക്ക് അടിമയായി'

നിരവധി താരങ്ങളും പ്രമുഖറും പങ്കെടുത്ത വിവാഹമായിരുന്നു പ്രിയങ്കയുടേയും നിക്കിന്റേയും വിവാഹം. എന്നാൽ നിക്കുമായി അടുത്ത ബന്ധമുള്ള പ്രശസ്ത ഗായിക ഡെമി ലൊവാറ്റോ മാത്രം വിവാഹത്തിന് എത്തിയില്ല. ഡെമി ലവാറ്റോയുടെ അസാന്നിധ്യത്തിനു കാരണം നിക്കുമായുള്ള അടുത്ത ബന്ധമായിരുന്നു എന്നാണ് ഇപ്പോൾ പുറത്തുവരുന്ന വാർത്തകൾ.

പ്രിയങ്കയുമായുള്ള നിക്കിന്റെ അടുപ്പം ഇരുവർക്കുമിടയിൽ അസ്വാരസ്യങ്ങൾ ഉണ്ടാക്കിയിരുന്നു. നിക് ജോനാസിനോട് അവർ അതൃപ്തി അറിയിച്ചതായും വാർത്തകൾ ഉണ്ടായിരുന്നു. പ്രിയങ്ക തട്ടിയെടുത്തത് ഡെമിയുടെ സ്വർഗമാണെന്നാണ് ഡെമി ലവാറ്റോയുടെ ആരാധകര്‍ പറയുന്നത്.

അതേസമയം, നിക്കുമായുള്ള ബന്ധം വഷളായതിനെ തുടർന്നു ജൂലയിൽ ഡെമി മാരകമായി മയക്കുമരുന്നിന് അടിമയായിരുന്നെന്നും തുടർന്ന് ചികിത്സയിലായിരുന്നെന്നും റിപ്പോർട്ടുകൾ ഉണ്ടായിരുന്നു. തുടർന്ന് ആഴ്ചകളോളം ചികിത്സയിലായി. 

എന്നാൽ, ഈ കാലഘട്ടത്തില്‍ ഡെമിക്കായി പ്രാർഥിച്ചുകൊണ്ട് സോഷ്യൽ മീഡിയയിൽ നിക് ജോനാസിന്റെ വൈകാരിക പോസ്റ്റുണ്ടായിരുന്നു. ‘ഡെമി ഒരു പോരാളിയാണെന്നും അവൾക്കു വേണ്ടി എല്ലാവരുടെയും സ്നേഹവും പ്രാർഥനയുമുണ്ടാകണമെന്നു'മായിയിരുന്നു നിക് ജോനാസിന്റെ പോസ്റ്റ്.

ആഴ്ചകളോളം നീണ്ട ചികിത്സയ്ക്കു ശേഷം ഡെമി ജീവിതത്തിലേക്കു തിരിച്ചു വന്നു. വിവാഹ ദിനത്തിൽ നിക് ജോനാസിനും പ്രിയങ്കാ ചോപ്രയ്ക്കും ഡെമി ആശംസകള്‍ അറിയിച്ചെങ്കിലും തുടർന്ന് നിക് ജോനാസിനെ സോഷ്യൽ മീഡിയയിൽ അവർ അൺഫോളോ ചെയ്തു.