ഇനിയും ഒരു തല്ല് ബാക്കിയുണ്ട്, മമ്മൂട്ടി റെഡി; ത്രില്ലടിക്കാന്‍ ഒരുങ്ങുക!

മഹാനടന്‍ മമ്മൂട്ടിയുടെ ജന്‍‌മദിനമാണ് സെപ്റ്റംബര്‍ ഏഴ്. ചില പുതിയ സിനിമകളുടെ പ്രഖ്യാപനമൊക്കെ ഈ ദിനത്തിലുണ്ടാവുമെന്ന പ്രതീക്ഷ ആരാധകര്‍ക്കുണ്ടായിരുന്നു. ഔദ്യോഗികപ്രഖ്യാപനമൊന്നും ഇതുവരെ ഉണ്ടായിട്ടില്ല.

എന്നാല്‍, ചില മമ്മൂട്ടിച്ചിത്രങ്ങളുടെ അപ്ഡേറ്റുകള്‍ ലഭിച്ചിട്ടുണ്ട്. അതിലൊന്ന് അജയ് വാസുദേവ് സംവിധാനം ചെയ്യുന്ന ‘മാസ്റ്റര്‍പീസ്’ എന്ന ചിത്രവുമായി ബന്ധപ്പെട്ടാണ്. ഇനി മമ്മൂട്ടി പങ്കെടുക്കുന്ന ഒരു തകര്‍പ്പന്‍ ആക്ഷന്‍ രംഗം മാത്രമാണ് ആ സിനിമയ്ക്കായി ചിത്രീകരിക്കാനുള്ളത്.

അടുത്ത ദിവസം തന്നെ മമ്മൂട്ടി മാസ്റ്റര്‍പീസിന്‍റെ എറണാകുളത്തെ ലൊക്കേഷനിലെത്തും. ഈ ഫൈറ്റ് രംഗത്തില്‍ അഭിനയിച്ച ശേഷം ‘പരോള്‍’ എന്ന സിനിമയുടെ രണ്ടാം ഷെഡ്യൂളിലേക്കാണ് മമ്മൂട്ടി പോകുന്നത്.

മാസ്റ്റര്‍പീസില്‍ ഹൈലൈറ്റ് ആകാവുന്ന ഒരു സ്റ്റണ്ട് സീക്വന്‍സാണ് ഇനി ചിത്രീകരിക്കാനുള്ളത്. ഒട്ടേറെ ആര്‍ട്ടിസ്റ്റുകളും ജൂനിയര്‍ ആര്‍ട്ടിസ്റ്റുകളും സ്റ്റണ്ട് താരങ്ങളും ഈ സംഘട്ടന രംഗത്തില്‍ പങ്കെടുക്കുന്നുണ്ട്.

ഉദയ്കൃഷ്ണ തിരക്കഥയെഴുതിയിരിക്കുന്ന സിനിമ നവംബറിലാണ് പ്രദര്‍ശനത്തിനെത്തുക.