ഒന്നല്ല മൂന്ന് തവണ, എന്നിട്ടും ആ റെക്കോർഡ് സ്വന്തമാക്കാൻ പേരൻപിന് കഴിയില്ല?!
പേരൻപിനെ കടത്തിവെട്ടി വിജയ് ചിത്രം!
മമ്മൂട്ടിയെ നായകനാക്കി റാം സംവിധാനം ചെയ്ത പേരൻപ് റിലീസ് കാത്തു കിടക്കുകയാണ്. മമ്മൂട്ടിയുടെ പിറന്നാളിന് ചിത്രം റിലീസ് ചെയ്യുമെന്ന് സൂചനകളുണ്ടെങ്കിലും ചിത്രത്തിന്റെ അണിയറ പ്രവർത്തകർ ഇതുസംബന്ധിച്ച് ഒരു കാര്യവും പുറത്തുവിട്ടിട്ടില്ല.
ചൈനയില്‍ റിലീസിനെത്തുന്ന ആദ്യ തമിഴ് ചിത്രമെന്ന ബഹുമതി പേരന്‍പിന് ലഭിക്കുമെന്ന് റിപ്പോർട്ടുകളുണ്ടായിരുന്നു. എന്നാൽ, പേരൻപിനെ പിന്തള്ളി മെര്‍സല്‍ ഈ ബഹുമതി കൊണ്ടു പോകുമെന്നാണ് ഇപ്പോൾ പുറത്തുവരുന്ന റിപ്പോര്‍ട്ട്.
പേരൻപിന്റെ റിലീസ് തിയതി പുറത്തുവിടാത്തതാണ് ഇതിന്റെ കാരണം. അതേസമയം ചൈനീസ് വിതരണ കമ്പനിയായ എച്ച്ജിസി എന്റര്‍ടെയ്ന്‍മെന്റാണ് മെര്‍സലിന്റെ പകര്‍പ്പവകാശം സ്വന്തമാക്കിയിരിക്കുന്നത്. ചിത്രം മൊഴി മാറ്റി ഈ വര്‍ഷം അവസാനമോ അടുത്ത വര്‍ഷം ആദ്യമോ ആയി തീയേറ്ററുകളിലെത്തും.
റാമിന്റെ സംവിധാനത്തല്‍ ഒരുങ്ങിയ മമ്മൂട്ടി ചിത്രം പേരന്‍പിന് ഷാങ്ഗായ് ഫിലിം ഫെസ്റ്റിവലില്‍ മികച്ച പ്രതികരണമാണ് ലഭിച്ചത്. ഇതേ തുടര്‍ന്ന് ചിത്രം ചൈനയില്‍ റിലീസ് ചെയ്യുന്നതിനായി ചൈനയിലെ മുന്‍നിര വിതരണക്കമ്പനി സിനിമയുടെ അണിയറപ്രവര്‍ത്തകരെ സമീപിച്ചു. മൂന്നു തവണയാണ് പേരന്‍പ് ഷാങ്ഗായ് ഇന്റര്‍നാഷണല്‍ ഫിലിം ഫെസ്റ്റിവലില്‍ പ്രദര്‍ശിപ്പിച്ചത്.
