മമ്മൂട്ടി ചിത്രത്തിലേക്ക് പൃഥ്വിരാജ് കണ്ടെത്തിയ രണ്ട് കൊച്ചു സുന്ദരികൾ!

മമ്മൂട്ടിയുടെ ഗ്രേറ്റ് ഫാദറിൽ രണ്ട് ഇമ്മിണി ബല്യ കുട്ടികളും!

മലയാളത്തിലെ പിന്നണിഗായക രംഗത്തേക്ക് രണ്ട് കൊച്ചുസുന്ദരികൾ കൂടി. ഇന്ദ്രജിത്തിന്റെയും പൂർണിമയുടെയും മക്കൾ പ്രാർത്ഥനയും നക്ഷത്രയുമാണ് പിന്നണി ഗായികമാരായി എത്തുന്നത്. പൃഥ്വിരാജ് നിര്‍മിച്ച് ഹനീഫ് ആദേനി സംവിധാനം ചെയ്യുന്ന മമ്മൂട്ടി ചിത്രമായ ദി ഗ്രേറ്റ് ഫാദറിലൂടെയാണ് ഇരുവരും പാട്ടിന്റെ ലോകത്തെക്ക് ചുവടെടുത്ത് വയ്ക്കുന്നത്.

റെക്കോർഡിങ്ങ് സമയത്ത് ഗോപീസുന്ദറിനോടൊപ്പമുള്ള ഇവരുടെ ചിത്രം പൃഥ്വിരാജും ഇന്ദ്രജിത്തുമാണ് ഫേസ്ബുക്കിലൂടെയാണ് പങ്കുവെച്ചത്. ചിത്രം ക്രിസ്‌മസിന് തീയേറ്ററുകളിൽ എത്തിക്കാനാണ് അണിയറ പ്രവർത്തകരുടെ ലക്ഷ്യം. ഓഗസ്റ്റ് സിനിമാസിന്റെ ബാനറിൽ പൃഥ്വിരാജ്, ഷാജി നടേശൻ, സന്തോഷ് ശിവ ൻ, ആര്യ എന്നിവർ ചേർന്നാണു ചിത്രം നിർമിക്കുന്നത്. സ്നേഹയാണു നായിക. ആര്യയും പ്രധാന റോളിലുണ്ട്. 

ഫാമിലി ത്രില്ലർ സ്വഭാവത്തിലുള്ള സിനിമയിൽ ആര്യ നെഗറ്റീവ് റോളിലാണ്. മമ്മൂട്ടിയുടെ സ്റ്റൈലിഷ് ചിത്രമാണിതെന്നാണു സംവിധായകൻ പറയുന്നത്. പുതിയ നിയമത്തിനായി ക്യാമറ ചലിപ്പിച്ച റോബിയാണു കാമറ കൈ കാര്യം ചെയ്യുന്നത്. ഗോപിസുന്ദറാണു സംഗീതസംവിധാനം നിർവ ഹി ക്കുന്നത്. ഡേവിഡ് എന്ന കഥാപാത്രമായാണു മമ്മൂട്ടിയെത്തുന്നത്. ബേബി അനിഖയും ചിത്രത്തിലുണ്ട്.