ദിലീപിന്റെ സിഐഡി മൂസ രണ്ടാം ഭാഗം പൊളിഞ്ഞ് പാളീസായി പോകുമെന്ന് സംവിധായകന്‍ ശാന്തിവിള ദിനേശ്. അതിനുള്ള കാരണവും സംവിധായകന്‍ വ്യക്തമാക്കുന്നുണ്ട്.
ദിലീപില്‍ മാത്രം നില്‍ക്കുന്ന സിനിമയാണോ സിഐഡി മൂസ എന്നാണ് ശാന്തിവിള ആദ്യമേ ചോദിക്കുന്നത്. 'അല്ല,സിഐഡി മൂസ ദിലീപില്‍ മാത്രം നില്‍ക്കുന്ന പടമല്ല, ജഗതിയെന്നൊരു അളിയന്‍ ക്യാരക്ടര്‍ ഉണ്ടായിരുന്നു, കാപ്റ്റന്‍ രാജു എന്ന സിഐഡി, പിന്നെ ആ സിനിമയില്‍ ഒരു ഭാവന എന്ന നടിയുണ്ടായിരുന്നു. ഈ ഘടകങ്ങളൊന്നുമില്ലാതെ എങ്ങനെയാണ്. സിഐഡി മൂസ എന്ന് എന്തിനാണ് ഇടുന്നത്, സിഐഡി കൊച്ചാപ്പിയെന്ന് ഇട്ടാല്‍ പോര.
ഭാവന പോലൊരു നായിക മനോഹരമായി ചെയ്ത ആ സിനിമയില്‍ ഭാവന ഇല്ലാതെ നിങ്ങള്‍ എന്ത് മൂസ ഹേ അത്തരം ചിന്തകള്‍ മാറ്റണം',-എന്നാണ് ശാന്തിവിള ദിനേശ് പറഞ്ഞത്.
മലയാള സിനിമ പ്രേമികള്‍ ഏറ്റവും കൂടുതല്‍ കണ്ട സിനിമകളില്‍ മുന്നിലുണ്ടാകും സി ഐ ഡി മൂസ. ഇന്നും മിനിസ്‌ക്രീനില്‍ മൂസ കാണാന്‍ ആളുകളുണ്ട്. സിനിമയുടെ ഭാഗത്തില്‍ ദിലീപും ഹരിശ്രീ അശോകനും ഉണ്ടാകുമെന്ന് സംവിധായകന്‍ ജോണി ആന്റണി നേരത്തെ വെളിപ്പെടുത്തിയിരുന്നു. മറ്റു കഥാപാത്രങ്ങളുടെ കാര്യത്തില്‍ തീരുമാനമായിട്ടില്ല.
സിഐഡി മൂസ 2,റണ്‍വെ 2,3 കണ്‍ട്രീസ് തുടങ്ങിയ സിനിമകള്‍ വൈകാതെ തന്നെ തുടങ്ങാന്‍ ആകുമെന്ന് പ്രതീക്ഷയിലാണ് ദിലീപും സംഘവും.
