Publish Date: Tue, 08 Nov 2022 (09:16 IST)
Updated Date: Tue, 08 Nov 2022 (09:18 IST)
ഷമ്മി തിലകന്റെ മകന് അഭിമന്യു എസ് തിലകന്റെ സിനിമാ പ്രവേശനത്തെ കുറിച്ചുള്ള ചര്ച്ചകള് സോഷ്യല്മീഡിയയില് സജീവമായിരിക്കുകയാണ്. കുടുംബത്തോടൊപ്പം ഉള്ള ഒരു ചിത്രം നടന് പങ്കുവെച്ചതിന് പിന്നാലെയാണ് പുതിയ ചര്ച്ചകള്. തിലകന്റെ ആദ്യത്തെ കൊച്ചുമകനായതിനാല് തന്നോട് ആയിരുന്നു അദ്ദേഹത്തിന് കൂടുതല് പ്രിയമെന്ന് അഭിമന്യു പറഞ്ഞിരുന്നു. കേശു എന്നാണ് അഭിമന്യുവിന്റെ വിളിപ്പേര്.
'അങ്ങയുടെ പുത്രന് ആറാട്ടുപുഴ വേലായുധപണിക്കരായി അഭിനയിച്ചു മലയാള സിനിമയിലേക്ക് വന്നിരുന്നു എങ്കില് എന്ന് മോഹിച്ചു പോയി ഈ ചിത്രം കണ്ടപ്പോള്'-എന്നാണ് ഒരു ആരാധകന് കുറിച്ചത്. അദ്ദേഹത്തിന് ഷമ്മി തിലകന് മറുപടി നല്കി.
'നടക്കുവാന് സാധ്യത ലവലേശമില്ല എന്നറിഞ്ഞു കൊണ്ട് തന്നെ മോഹിക്കുന്നതിനെ അതിമോഹം എന്നല്ലേ വിളിക്കേണ്ടത്..?!'-എന്നാണ് ഷമ്മി കുറിച്ചത്.
