ശ്യാം മോഹനെ മലയാളി സിനിമ പ്രേക്ഷകര്‍ അടുത്തറിയുന്നത് 'പ്രേമലു'വിലെ ആദിയിലൂടെയാണ്. ജസ്റ്റ് കിഡിങ് എന്ന് ശ്യാം പറയുന്നത് ഇപ്പോഴും സിനിമ പ്രേമികളെ ചിരിപ്പിക്കുന്നു. സിനിമയില്‍ നിരവധി അവസരങ്ങളാണ് നടനു മുമ്പില്‍ തുറക്കപ്പെടുന്നത്. മുംബൈയില്‍ ഉയര്‍ന്ന ശമ്പളത്തിലുള്ള ജോലി 2015ല്‍ ഉപേക്ഷിച്ചാണ് സ്വപ്നങ്ങളുടെ പിറകെ ശ്യാം നടന്നത്. 9 വര്‍ഷം എടുത്തു പ്രേമലു പോലൊരു സിനിമ നടനെ തേടിയെത്താന്‍.
തന്റെ അടുത്ത ചിത്രത്തെക്കുറിച്ച് താരം പറയുകയാണ്. കമല്‍ഹാസന്‍ പ്രൊഡ്യൂസ് ചെയ്യുന്ന ഏറ്റവും പുതിയ തമിഴ് ചിത്രമായ അമരനിലാണ് ശ്യാം മോഹന്‍ അടുത്തതായി അഭിനയിക്കുന്നത്. സായ് പല്ലവി- ശിവകാര്‍ത്തികേയന്‍ എന്നിവര്‍ ഒന്നിക്കുന്ന ഈ ചിത്രത്തില്‍ നടന്‍ സായി പല്ലവിയുടെ സഹോദരനായി വേഷമിടുന്നു.ഈ വര്‍ഷം തന്നെ സിനിമയ്ക്ക് റിലീസ് ഉണ്ട്.
ഉണ്ണി മുകുന്ദന്‍ നായകനായി എത്തുന്ന പുതിയ ചിത്രത്തിലും ശ്യാം മോഹന്‍ അഭിനയിച്ചിരുന്നു. 'ഗെറ്റ് സെറ്റ് ബേബി' ആണ് നടന്റെ അടുത്ത മലയാളം റിലീസ്.
വിനയ് ഗോവിന്ദ് സംവിധാനം ചെയ്യുന്ന ചിത്രത്തില്‍ നിഖില വിമലാണ് നായിക.
