ജനഹൃദയം കീഴടക്കിയ ഇന്ത്യൻ നടി ആര്? അഞ്ച് പേർ സൗത്ത് ഇന്ത്യയിൽ നിന്നും!

ജനപ്രീതിയില്‍ മുന്നിലുള്ള ഇന്ത്യൻ നായികാ താരങ്ങളില്‍ ഒന്നാമത് തെന്നിന്ത്യൻ നടി സാമന്ത. സെപ്‍തംബറില്‍ മുന്നിലുള്ള ഇന്ത്യൻ നായികാ താരങ്ങളുടെ പട്ടികയാണ് പുറത്തുവിട്ടത്. ഓഗസ്റ്റിലും ഒന്നാം സ്ഥാനത്ത് സാമന്തയായിരുന്നു. സിനിമകളൊന്നും ചെയ്യുന്നില്ലെങ്കിലും സാമൂഹ്യ മാധ്യമത്തില്‍ സജീവമായി ഇടപെടുന്ന താരമാണ് എന്നതാണ് നടി സാമന്തയ്‍ക്ക് ഗുണകരമാകുന്നത്. രാജ്യമൊട്ടാകെ പ്രേക്ഷകരുടെ പ്രിയങ്കരിയാകാൻ ഇതിലൂടെ താരത്തിന് സാധിക്കുന്നു. സ്വന്തം നിലപാടുകള്‍ പറയാനും ഒരിക്കലും താരം മടിക്കാറില്ല എന്നതും സാമന്തയെ പ്രിയപ്പെട്ടവരാക്കുന്നു. 

ആലിയാ ഭട്ടാണ് ഇന്ത്യയിലെ നായികാ താരങ്ങളില്‍ രണ്ടാമത്. ആലിയ ഭട്ടിന്റേതായി ബോളിവുഡ് ചിത്രമായി ഒടുവില്‍ ജിഗ്രയാണെത്തിയത്. വിജയം നേടാൻ ചിത്രത്തിന് ആയില്ലെന്നാണ് കളക്ഷൻ റിപ്പോര്‍ട്ടുകള്‍ സൂചിപ്പിക്കുന്നത്. ആലിയ ഭട്ടും ദീപിക പദുക്കോണും അടക്കി വാണിരുന്ന ഒന്നും രണ്ടും സ്ഥാനമാണ് ഇപ്പോൾ സൗത്ത് ഇന്ത്യൻ നായികമാർ കയ്യടക്കുന്നത്. ആലിയയ്ക്ക് പിന്നാലെ ദീപിക പതിവുപോലെ മൂന്നാമതുണ്ട്. 

നാലാമത് മലയാളി നടിയുമായ നയൻതാരയാണ്. തൊട്ടുപിന്നില്‍ ഇടംനേടിയിരിക്കുന്നത് തെന്നിന്ത്യയില്‍ നിന്നുള്ള താരം തൃഷയാണ്. സ്‍ത്രീ 2 സിനിമയുടെ വിജയത്തിളക്കത്തിലുള്ള ബോളിവുഡ് നടി ശ്രദ്ധ കപൂര്‍ ആറാമതുള്ളപ്പോള്‍ താരങ്ങളില്‍ ഏഴാമത് കാജല്‍ അഗര്‍വാള്‍ ആണ്. സായ് പല്ലവി എട്ടാമതും ഇടം പിടിച്ചു. രശ്‍മിക മന്ദാന ഒമ്പതാമതും ഉള്ളപ്പോള്‍ നടി കിയാരാ അദ്വാനി പത്താം സ്ഥാനത്തും ആണ്.