‘സഖാവ് ബാലന്‍’ എന്തൊരു ലുക്കാണ്; കോളിവുഡില്‍ കൈയടി നേടി സണ്ണി വെയ്‌ന്‍

സണ്ണി വെയ്‌ന്‍ തമിഴില്‍ അരങ്ങേറ്റം കുറിക്കുന്ന ജിപ്‌സിയുടെ പോസ്‌റ്റര്‍ വൈറലാകുന്നു. രാജു മുരുഗന്‍ സംവിധാനം ചെയ്യുന്ന ചിത്രത്തില്‍ സഖാവ് ബാലന്‍ എന്ന കഥാപാത്രത്തെയാണ് സണ്ണി അവതരിപ്പിക്കുന്നത്.

ഫേസ്‌ബുക്ക് പേജിലൂടെ ഈ മാസം ഒന്നാം തിയതിയാണ് തന്റെ ലുക്ക് അടങ്ങിയ പോസ്‌റ്റര്‍ സണ്ണി പുറത്തുവിട്ടത്. വെള്ളമുണ്ടും ചുവന്ന ഷര്‍ട്ടുമാണ് പോസ്‌റ്ററില്‍ സണ്ണിയുടെ വേഷം. ഇതോടെയാണ് ജിപ്‌സിയുടെ പോസ്‌റ്റര്‍ വൈറലായത്.

ജീവ നായകനാകുന്ന ജിപ്‌സിയിയുടെ തിരക്കഥയും രാജു മുരുഗന്‍ തന്നെയാണ് ഒരുക്കിയിരിക്കുന്നത്. ചിത്രത്തില്‍ ലാല്‍ ജോസും പ്രധാന കഥാപാത്രത്തെ അവതരിപ്പിക്കുന്നുണ്ടെന്നാണ് റിപ്പോര്‍ട്ട്.

സണ്ണി വെയ്‌ന്‍ തമിഴില്‍ അരങ്ങേറ്റം കുറിക്കുന്നതായുള്ള വാര്‍ത്തകള്‍ നേരത്തെ പുറത്തു വന്നിരുന്നുവെങ്കിലും സ്ഥിരീകരണം ഉണ്ടായിരുന്നില്ല. കഴിഞ്ഞ വര്‍ഷം ഇതുസംബന്ധിച്ച നിരവധി റിപ്പോര്‍ട്ടുകള്‍ പുറത്തുവന്നിരുന്നു.