വില്ലന്റെ കാര്യത്തില്‍ തീരുമാനമായി,'സൂര്യ 43' അപ്‌ഡേറ്റ്, തമിഴില്‍ ഈ നടന്‍ എത്തുന്നത് ഇതാദ്യം

Suriya 43

ഏറെ പ്രതീക്ഷയോടെ ആരാധകര്‍ കാത്തിരിക്കുന്ന ചിത്രമാണ് സൂര്യ 43.സൂററൈ പോട്ര് എന്ന ചിത്രത്തിനുശേഷം സംവിധായക സുധ കൊങ്കരയും സൂര്യയും കൈകോര്‍ക്കുന്നതാണ് ഹൈപ്പന് പിന്നില്‍. സിനിമയെക്കുറിച്ചുള്ള ഒരു റിപ്പോര്‍ട്ടാണ് പുറത്തു വന്നിരിക്കുന്നത്.

വന്‍താര നിലയുള്ള സിനിമയില്‍ വില്ലന്‍ വേഷത്തില്‍ ആരെ എത്തുമെന്ന് ചര്‍ച്ചകള്‍ നേരത്തെ തുടങ്ങിയതാണ്. ഇപ്പോള്‍ അതിനൊരു അവസാനമായിരിക്കുകയാണ്. ബോളിവുഡില്‍ നിറസാന്നിധ്യമായി മാറിക്കൊണ്ടിരിക്കുന്ന വിജയ് വര്‍മയാവും സൂര്യ 43യിലെ വില്ലന്‍ എന്നാണ് ലഭിക്കുന്ന വിവരം. അദ്ദേഹത്തിന്റെ ആദ്യ തമിഴ് ചിത്രം ആകും ഇതെന്നും ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നു.

നേരത്തെ നാനിയുടെ മിഡില്‍ ക്ലാസ് അബ്ബായി എന്ന തെലുങ്ക് ചിത്രത്തില്‍ വിജയ് വര്‍മ വില്ലനായി വേഷമിട്ടിരുന്നു.സൂര്യ 43ല്‍ ദുല്‍ഖര്‍ സല്‍മാന്‍, അജയ് ദേവ്ഗണ്‍, നസ്രിയ നസീം, അദിതി ഷങ്കര്‍ തുടങ്ങിയ താരനിര അണിനിരക്കുന്നു.ജി വി പ്രകാശാണ് ചിത്രത്തിനായി സംഗീതം ഒരുക്കുന്നത്.

സൂര്യയുടെ സ്വന്തം പ്രൊഡക്ഷന്‍ ഹൗസായ 2D എന്റര്‍ടൈന്‍മെന്റിന് ബാനറില്‍ സൂര്യ, ജ്യോതിക, രാജ്‌ശേഖര്‍, കര്‍പൂര സുന്ദരപാണ്ഡ്യന്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.