കൊറോണയെ പൊരുതി തോൽപ്പിച്ചതിനുശേഷം ഇനി തമന്നയ്ക്ക് തിരിച്ചുവരവിന്റെ കാലം കൂടിയാണ്. ഡോക്ടർമാരുടെ നിർദ്ദേശത്തിന് ശേഷമാണ് സിനിമ തിരക്കുകളിലേക്ക് നടി തിരിച്ചെത്തുന്നത്. ഹൈദരാബാദ് വിമാനത്താവളത്തിൽനിന്നും താരം പുറത്തേക്ക് വരുന്ന ചിത്രങ്ങൾ ഇതിനകം വൈറലാണ്. സീട്ടിമാർ എന്ന തെലുങ്ക് ചിത്രത്തിൽ അഭിനയിക്കാനായി ആണ് തമന്ന എത്തിയത്. വിദേശത്ത് ആകും സിനിമയുടെ ചിത്രീകരണം. തമന്നയുടെ മൂന്നോളം തെലുങ്ക് ചിത്രങ്ങൾ നിർമ്മാണത്തിന്റെ വിവിധ ഘട്ടങ്ങളിലാണ്.
നടിയ്ക്ക് കോവിഡ് ബാധിച്ചതിനാൽ ഷെഡ്യൂളുകളിൽ ചില മാറ്റങ്ങൾ വന്നിട്ടുണ്ട്. മാത്രമല്ല നടി പ്രതിഫലം കുറച്ചു എന്നും റിപ്പോർട്ടുകളുണ്ട്.
