തകർക്കാനാകാത്ത റെക്കോർഡുമായി ഡേവിഡ് നൈനാൻ; ഇത് പൊരുതി നേടിയ വിജയം!

ഗ്രേറ്റ് ഫാദറിന്റെ ജൈത്രയാത്ര തുടരുന്നു, ഒറ്റയ്ക്കാണെങ്കിലും ഡേവിഡ് നൈനാൻ തളരില്ല!

മമ്മൂട്ടിയുടെ ഗ്രേറ്റ് ഫാദർ കേരളത്തിലെന്ന പോലെ ജിസിസിയിലും കളക്ഷനുകൾ പൊട്ടിയ്ക്കുകയാണ്. മാർച്ച് 30ന് റിലീസ് ആയ ചിത്രത്തിന് ഇപ്പോഴും മികച്ച പ്രതികരണം ലഭിക്കാൻ കാരണം കാമ്പുള്ള കഥയും മമ്മൂട്ടിയെന്ന മെഗാതാരവുമാണ്. യു എ ‌യിൽ ഇന്ന് ഗ്രേറ്റ് ഫാദറിന് നിർണായക ദിവസമാണ്. 

ഒരാഴ്ചയിൽ കൂടുതലായി ചിത്രം ജിസിസിയിൽ റിലീസ് ചെയ്തിട്ട്. റിലീസ് ചെയ്യുന്ന ചിത്രത്തിന്റെ വിധി നിർണയിക്കുന്നത് പൊതു അവധി ദിവസമായിരുന്ന ഇന്നലെ (വെള്ളിയാഴ്ച)യാണ്. ആ കടമ്പയും മറികടന്നിരിയ്ക്കുകയാണ് ഗ്രേറ്റ് ഫാദർ. റിലീസ് ചെയ്ത അതേ ആരവത്തോടെ തന്നെയാണ് ഗൾഫ് നാടുകളിൽ ഗ്രേറ്റ് ഫാദർ ഇപ്പോഴും നിറഞ്ഞ് കളിക്കുന്നതെന്നാണ് തിയേറ്റർ മാനേജ്മെന്റിൽ നിന്നും ലഭിക്കുന്ന റിപ്പോർട്ടുകൾ.

വെള്ളിയാഴ്ച പൊതു അവധിയായിരുന്നതിനാൽ അഡ്വാൻസ് ബുക്കിംഗ് എല്ലാം ഫുൾ ആയിരുന്നു. അതേ ഫോമിൽ തന്നെ ചിത്രത്തിന് ഇന്നും നാളെയും കളിക്കാൻ കഴിഞ്ഞാൽ കളക്ഷനുകൾ കുതിച്ചുയരുമെന്നാണ് റിപ്പോർട്ടുകൾ. റിലീസ് ചെയ്ത് 21 ദിവസം പിന്നിടുമ്പോൾ ചിത്രം 56 കോടിയ്ക്ക് മുകളിൽ കളക്ഷൻ നേടിയെന്നാണ് അനൗദ്യോഗികകമായ വിവരം.