തെങ്കാശിപ്പട്ടണത്തിലെ ഒരു നായിക മന്യയായിരുന്നു; ആ കഥാപാത്രം നഷ്ടമായതില്‍ ഇന്നും വിഷമം

സുരേഷ് ഗോപി, ലാല്‍, സംയുക്ത വര്‍മ, ഗീതു മോഹന്‍ദാസ്, ദിലീപ്, കാവ്യ മാധവന്‍ തുടങ്ങി വമ്പന്‍ താരനിര അണിനിരന്ന സിനിമയാണ് തെങ്കാശിപ്പട്ടണം. റാഫി മെക്കാര്‍ട്ടില്‍ ടീമിന്റെ ഹിറ്റ് സിനിമകളില്‍ ആദ്യ സ്ഥാനത്തുണ്ടാകും ഈ മള്‍ട്ടി സ്റ്റാര്‍ ചിത്രം. രണ്ടായിരത്തിലാണ് സിനിമ തിയറ്ററുകളിലെത്തിയത്. 

മൂന്ന് നായികമാരാണ് സിനിമയില്‍ ഏറെ ശ്രദ്ധിക്കപ്പെട്ട ഘടകം. സംയുക്തയും ഗീതുവും കാവ്യയും മത്സരിച്ചഭിനയിച്ചപ്പോള്‍ മൂന്ന് പേരെയും പ്രേക്ഷകര്‍ നെഞ്ചിലേറ്റി. എന്നാല്‍, ഈ സിനിമയില്‍ നായികമാരില്‍ ഒരാളാകാന്‍ ആദ്യം തീരുമാനിച്ചത് മറ്റൊരു നടിയെയാണ്. 

മലയാളികള്‍ക്ക് ഏറെ സുപരിചിതയായ നടി മന്യ നായിഡുവിനെയാണ് തെങ്കാശിപ്പട്ടണത്തില്‍ നായികയായി ആദ്യം തീരുമാനിച്ചത്. തെങ്കാശിപ്പട്ടണം എന്ന ചിത്രത്തിലേക്ക് തന്നെ വിളിച്ചിരുന്നെന്നും എന്നാല്‍ ഡേറ്റിന്റെ പ്രശ്നവും മറ്റും കാരണം ആ സിനിമ കൈയ്യില്‍ നിന്ന് പോകുകയായിരുന്നെന്നും മന്യ വെളിപ്പെടുത്തി. പിന്നീട് 'അയ്യോ' എന്ന് തോന്നിയ സിനിമകളില്‍ ഒന്നാണ് തെങ്കാശിപ്പട്ടണം. അതുപോലെ തെലുങ്കില്‍ ചില നല്ല സിനിമകളും കൈവിട്ടു പോയിട്ടുണ്ടെന്നും ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തില്‍ മന്യ പറഞ്ഞു.