അണ്ണാത്തെയിലെ ഗാനം കേള്‍ക്കാനായി കാത്തിരിക്കുകയാണ് ഓരോ ആരാധകരും. ഗാനത്തിന്റെ തെലുങ്ക് പതിപ്പ് പൂര്‍ത്തിയാകാത്തതിനാല്‍ എസ്പിബിയുടെ ശബ്ദത്തിലുള്ള ഈ ഗാനം ഇതുവരെയും പുറത്തു വന്നിട്ടുണ്ടായിരുന്നില്ല. ഇപ്പോഴിതാ ഒക്ടോബര് 4ന് വൈകുന്നേരം 6 മണിക്ക് ആദ്യഗാനം എത്തുമെന്ന് അണിയറപ്രവര്‍ത്തകര്‍ അറിയിച്ചു. എസ് പി ബാലസുബ്രഹ്മണ്യത്തിന്റെ അവസാന ഗാനങ്ങളില്‍ ഒന്നുകൂടിയാണിത്.
എസ്പി ബാലസുബ്രഹ്മണ്യം സാറിന്റെ ശബ്ദത്തില്‍ നിന്നുള്ള ഊര്‍ജ്ജസ്വലമായ ഒരു ഗാനമായിരിക്കും ഇതെന്ന് സംഗീതസംവിധായകന്‍ ഇമ്മന്‍ പറഞ്ഞിരുന്നു.എസ്പിബി സാറിനൊപ്പം ഗാനത്തിന്റെ തെലുങ്ക് പതിപ്പ് നിര്‍മ്മിക്കാന്‍ തങ്ങള്‍ ആലോചിച്ചു. പക്ഷേ അത് നടന്നില്ലെന്നും ഇമ്മന്‍ പറഞ്ഞു.
രജനികാന്ത് നായകനാകുന്ന 'അണ്ണാത്തെ'യുടെ ജോലികള്‍ അവസാനഘട്ടത്തിലാണ്.ദീപാവലിക്ക് ചിത്രം ബിഗ് സ്‌ക്രീനില്‍ എത്തും. അടുത്തിടെ പുറത്തിറങ്ങിയ ഫസ്റ്റ് ലുക്ക് പോസ്റ്റര്‍ ഏറെ ശ്രദ്ധനേടിയിരുന്നു.
