മമ്മൂക്കയ്ക്ക് നന്നായി വേദനിച്ചു, എന്നിട്ടും എന്നെ ആശ്വസിപ്പിക്കുകയായിരുന്നു: ഉണ്ണി മുകുന്ദൻ

മാസ്റ്റർപീസിന്റെ ക്ലൈമാക്സ് ഷൂട്ടിനിടയിലെ ആരുമറിയാതെ പോയ കഥ തുറന്ന് പറഞ്ഞ് ഉണ്ണി മുകുന്ദൻ

മാസ്റ്റർപീസ് എന്ന ചിത്രത്തിൽ മമ്മൂട്ടിയുടെ വില്ലനായി എത്തിയത് ഉണ്ണി മുകുന്ദൻ ആയിരുന്നു. ചിത്രത്തിന്റെ ക്ലൈമാക്സ് ചിത്രീകരിക്കുന്നതിനിടയിലുണ്ടായ ഒരു കഥ തുറന്നു പറയുകയാണ് ഉണ്ണി. കൈരളി ചാനലിന്റെ ജെ ബി ജംഗഷനിൽ എത്തിയപ്പോഴാണ് മമ്മൂക്കയുമൊത്തുള്ള രസകരമായ സംഭവങ്ങൾ ഉണ്ണി പറയുന്നത്. 

‘വളരെ പോസിറ്റീവായി എന്നെ ഇൻ‌ഫ്ലുവൻസ് ചെയ്ത വ്യക്തിയാണ് മമ്മൂക്ക. വളരെ പോസിറ്റീവാണ്. സപ്പോർട്ടീവാണ്. തുടക്കത്തിൽ എനിക്ക് ഒന്നും അറിയത്തില്ലാന്ന് അദ്ദേഹത്തിന് കണ്ടപ്പോൾ തന്നെ മനസ്സിലായി. അന്ന് ആ രീതിയിൽ ആയിരുന്നിട്ടും നന്നായി സപ്പോർട്ട് ചെയ്തു. ഒന്നുമല്ലാത്ത എന്നോട് വളരെ മര്യാദയോടും ഇഷ്ടത്തോടെയേയും ആയിരുന്നു അന്ന് മമ്മൂക്ക സംസാരിച്ചത്’.

‘മമ്മൂക്കയുടെ കൂടെ വില്ലനായി മാസ്റ്റർപീസിൽ നിന്നപ്പോൾ എന്താണ് മനസ്സിലെന്ന് പോലും പറയാൻ കഴിയുന്നുണ്ടായിരുന്നില്ല. ക്ലൈമാക്സ് ഷൂട്ടിനിടെ ഞാൻ ചാടി കിക്ക് അടിക്കുമ്പോൾ മമ്മുക്ക കുനിയുന്ന ഒരു സീനുണ്ട്. സീൻ പറഞ്ഞപോലെ തന്നെ മമ്മൂക്ക കുനിഞ്ഞു. പക്ഷേ പുറത്തിന് ഞാൻ നന്നായിട്ട് ചവുട്ടി. മമ്മൂക്ക പക്ഷേ, ഒന്നൂല്ലടാ സരമില്ല എന്ന് പറഞ്ഞ് നിസാരമാക്കി കളഞ്ഞു’

പക്ഷേ, പിന്നീട് സെറ്റിലുള്ളവർ തന്നെ പറഞ്ഞ് ഞാനറിഞ്ഞു: പുറത്ത് എന്റെ കാലിന്റെ നല്ല പാടുണ്ടായിരുന്നു. മമ്മൂക്കയ്ക്ക് നന്നായി വേദനിക്കുകയും ചെയ്തു. സ്പ്രേ വെച്ചാണ് അഡ്ജസ്റ്റ് ചെയ്തത് എന്നൊക്കെ. ഉണ്ണി അറിയേണ്ട, അവനറിഞ്ഞാൽ വിഷമമാകും. പിന്നെ ഡെപ്സാകും എന്നൊക്കെ മമ്മൂക്ക അവരോട് പറഞ്ഞിരുന്നു.’

ഉണ്ണി മുകുന്ദൻ ഈ കഥ പറഞ്ഞപ്പോൾ അവതാരകന്റെ മറുപടിയായിരുന്നു കോമഡി. ‘മമ്മൂക്കയുടെ ഫാൻസ് ഇക്കാര്യം അറിഞ്ഞാൽ ഉണ്ടല്ലോ. ഫാൻസ് ഉണ്ണിയെ വറുത്തുകളയും’ എന്നാണ് അവതാരകൻ പറഞ്ഞത്.