പൃഥ്വിക്കൊപ്പം ഹെലികോപ്റ്ററിൽ പറന്ന് ആരാധകർ, വീഡിയോ പങ്കുവച്ച് താരം !

പൃഥ്വിരാജ് നായകനായി എത്തിയ ഡ്രൈവിങ് ലൈസൻസ് എന്ന ചിത്രം തീയറ്ററുകളിൽ മികച്ച പ്രതികരണവുമായി മുന്നേറുകയാണ്. ഒരു സൂപ്പർസ്റ്റാറിന്റെയും അദ്ദേഹത്തിന്റെ ആരാധകനായ മോട്ടോർ വെഹികിൾ ഇൻസ്‌പെക്ടറുടെയും കഥ പറയുന്ന സിനിമയിൽ സൂപ്പർ സ്റ്റാറായാണ് പൃഥ്വി വേഷമിട്ടിരിക്കുന്നത്. ഇപ്പോഴിതാ യാഥാർത്ഥ ജീവിതത്തിൽ തന്റെ ആരാധകർക്കൊപ്പം ഒരു ഹെലികോപ്റ്റർ യാത്ര തന്നെ നടത്തിയിരിക്കുകയാണ് താരം.

ഡ്രൈവിങ് ലൈസൻസ് എന്ന സിനിമയുടെ പ്രമോഷന്റെ ഭാഗമായാണ് പൃഥ്വി തന്റെ ആരാധകർക്കൊപ്പം ഹെലികോപ്റ്റർ യാത്ര നടത്തിയത്. ചിത്രത്തിന്റെ അണിയറ പ്രവർത്തകർ നടത്തിയ മത്സരത്തിൽ വിജയികളായ നാലുപേർക്കാണ് താരത്തോടൊപ്പം ആകാശ യാത്ര നടത്താനുള്ള അവസരം ലഭിച്ചത്.

ബിജിത ജനാർദനൻ, ഹാരിസ് പാലത്, അരുൺ കെ. ചെറിയാൻ, ജിഷ്ണു രാജീവ് എന്നിവരാണ് പൃഥ്വിക്കൊപ്പം ഹെലികോപ്റ്റർ യാത്രാ നടത്താൻ അവസരം ലഭിച്ച ആരാധകർ. കൊച്ചി, കോഴിക്കോട്, തിരുവനന്തപുരം, കൊല്ലം എന്നിവിടങ്ങളിലൂടെയായിരിക്കും ആകാശയാത്ര ഹെലികോപ്റ്റർ യാത്ര ആരംഭിക്കുന്നതിന്റെ ദൃശ്യങ്ങൾ പൃഥ്വിരാജ് സാമൂഹ്യ മാധ്യമങ്ങൾ വഴി പങ്കുവച്ചിട്ടുണ്ട്.