വിനയനെ വിലക്കിയ സംഭവം; അമ്മയും ഫെഫ്‌കയും കുരുക്കില്‍ - ഇന്നസെന്റും സിബി മലയിലും പിഴയൊടുക്കണം
വിനയനെ വിലക്കിയ സംഭവം; അമ്മയും ഫെഫ്‌കയും കുരുക്കില്‍
സിനമയില്‍ സംവിധായകന്‍ വിനയനെ വിലക്ക് ഏര്‍പ്പെടുത്തിയ സംഭവത്തില്‍ താരസംഘടനയായ അമ്മയ്ക്കും ഫെഫ്ക്കയ്ക്കും പിഴ. വിനയന്റെ പരാതിയിന്‍മേല്‍ കോംപറ്റീഷന്‍ കമ്മീഷന്‍ ഓഫ് ഇന്ത്യയാണ് പിഴ ചുമത്തിയത്.
അമ്മ നാല് ലക്ഷവും ഫെഫ്ക്ക 81000 രൂപയും പിഴയൊടുക്കണം. നടന്‍ ഇന്നസെന്റ്, ഇടവേള ബാബു, സംവിധായകരായ ബി ഉണ്ണികൃഷ്ണന്‍, സിബിമലയില്‍, കെ മോഹനന്‍ എന്നിവരും പിഴയൊടുക്കണം. ഇന്നസെന്റ് 51000 രൂപയും സബി മലയില്‍ 61000 രൂപയും പിഴയൊടുക്കണം. ബി ഉണ്ണികൃഷ്ണന്‍ 32000 രൂപയും നല്‍കണം.
അപ്രഖ്യാപിത വിലക്ക് നേരിട്ടതുമായി ബന്ധപ്പെട്ട് വിനയൻ നൽകിയ പരാതിയിൻമേലാണ് നടപടി. രാജ്യത്തെ അസോസിയഷനുകളുടെയും വിവിധ സംഘടനകളുടെയും പ്രവര്‍ത്തന രീതി പരിശോധിക്കാന്‍ രൂപവത്കരിച്ച സംവിധാനമാണ് കോംപറ്റീഷന്‍ കമ്മീഷന്‍ ഓഫ് ഇന്ത്യ.
