ഇന്ത്യന്‍ സിനിമയിലെ ഒട്ടുമിക്ക ഭാഷകളിലും അഭിനയിച്ചിട്ടുള്ള നടിയാണ് യാമി ഗൗതം.കന്നഡ ചിത്രമായ 'ഉല്ലാസ ഉത്സാഹ'യിലൂടെ ശ്രദ്ധ നേടിയ താരം പിന്നീട് പഞ്ചാബി, തെലുങ്ക്, ഹിന്ദി, തമിഴ്, തെലുങ്ക് ഭാഷകളിലുള്ള സിനിമകളിലും സാന്നിധ്യം അറിയിച്ചു. മലയാളത്തില്‍ പൃഥ്വിരാജിന്റെ നായികയായി. ഹീറോ ആയിരുന്നു ആ ചിത്രം. നടിയുടെ പുതിയ ചിത്രമായ ആര്‍ട്ടിക്കിള്‍ 370യുടെ ട്രെയിലര്‍ ലോഞ്ചിനിടെ താന്‍ ഗര്‍ഭിണിയാണെന്ന് വിവരം പങ്കുവെച്ചിരിക്കുകയാണ് നടി.
നടിയുടെ കൂടെ ഭര്‍ത്താവ് ആദിത്യ ധറും ഉണ്ടായിരുന്നു. ജീവിതത്തില്‍ വലിയൊരു മാറ്റത്തിന് തയ്യാറെടുക്കുകയാണെന്നും താന്‍ അഞ്ചര മാസം ഗര്‍ഭിണിയാണെന്നും യാമി പറഞ്ഞു. ഗര്‍ഭകാലത്തും നേരത്തെ ഒപ്പ് വെച്ച സിനിമകള്‍ തീര്‍ക്കുന്ന തിരക്കിലായിരുന്നു നടി. ഗര്‍ഭകാലത്തെ ഷൂട്ടിംഗ് അനുഭവങ്ങളും നടി പങ്കുവച്ചു.
ചിത്രീകരണത്തിന് ഇടയുള്ള ചില നിമിഷങ്ങള്‍ മാനസികമായി തളര്‍ന്നു പോകുന്നതായിരുന്നു എന്നും എന്നാല്‍ ഭര്‍ത്താവ് ആദിത്യ തന്റെ അരികിലില്ലായിരുന്നെങ്കില്‍ ഇതെങ്ങനെ തരണം ചെയ്യുമെന്ന് അറിയില്ലായിരുന്നുവെന്നും യാമി പറഞ്ഞു.
രണ്ടുവര്‍ഷത്തോളം ഡേറ്റിങ്ങില്‍ ആയിരുന്നു യാമിയും ആദിത്യയും. 2021 ജൂണിലായിരുന്നു ഇരുവരും വിവാഹിതരായത്.ആര്‍ട്ടിക്കിള്‍ 370യില്‍ യാമി ഗൗതമും പ്രിയാമണിയും ആണ് പ്രധാന കഥാപാത്രങ്ങളെ അവതരിപ്പിക്കുന്നത്.
