ആറ്റുമണപ്പായയില്‍ പാടേണ്ടിയിരുന്നത് മമ്മൂട്ടി!
ആ മാധ്യമപ്രവര്‍ത്തകനെ മമ്മൂട്ടി വേണ്ടെന്നുവച്ചതെന്തിന്? !
ജോഷി സംവിധാനം ചെയ്ത ‘റണ്‍ ബേബി റണ്‍’ എന്ന ചിത്രത്തില്‍ നായകനാകേണ്ടിയിരുന്നത് മമ്മൂട്ടിയായിരുന്നു. റോയിട്ടേഴ്സ് വേണു എന്ന മാധ്യമപ്രവര്‍ത്തകന്‍റെ കഥാപാത്രം താന്‍ ചെയ്യുന്നില്ല എന്നായിരുന്നു മമ്മൂട്ടിയുടെ തീരുമാനം. ആ കഥാപാത്രമായി പിന്നീട് മോഹന്‍ലാല്‍ വന്നു. പടം മെഗാഹിറ്റായി മാറുകയും ചെയ്തു.
സച്ചി തിരക്കഥയെഴുതിയ റണ്‍ ബേബി റണ്‍ മോഹന്‍ലാലിന് കരിയറില്‍ ഏറെ ഉയര്‍ച്ച നേടിക്കൊടുത്ത സിനിമയാണ്. ആ സിനിമയ്ക്കായി മോഹന്‍ലാല്‍ ആലപിച്ച ‘ആറ്റുമണപ്പായയില്‍...’ എന്ന ഗാനം വമ്പന്‍ ഹിറ്റായി മാറി. ഇപ്പോഴും മലയാളികളുടെ പ്രിയപ്പെട്ടഗാനമായി ഇത് നിലനില്‍ക്കുന്നു. മമ്മൂട്ടി നായകനായിരുന്നെങ്കില്‍ ഒരു പക്ഷേ ആ ഗാനം പാടാനുള്ള സാഹചര്യം മമ്മൂട്ടിക്കായിരിക്കും വന്നുചേര്‍ന്നിരിക്കുക!
അമല പോള്‍ ആയിരുന്നു ആ ചിത്രത്തില്‍ നായികയായത്. എന്തുകൊണ്ടാണ് മമ്മൂട്ടി ഈ സിനിമ വേണ്ടെന്നുവച്ചതെന്ന് ഇപ്പോഴും വ്യക്തമല്ല. 2008ല്‍ ട്വന്‍റി20യിലാണ് ജോഷിയും മമ്മൂട്ടിയും അവസാനമായി ഒന്നിച്ചത്. 2012ല്‍ റണ്‍ ബേബി റണ്‍ ഈ കൂട്ടുകെട്ട് വീണ്ടും സംഭവിക്കാനുള്ള അവസരമായിരുന്നു. എന്നാല്‍ മമ്മൂട്ടി പിന്‍‌മാറിയതോടെ അത് നടന്നില്ല. പിന്നീടിതുവരെയും മമ്മൂട്ടിയും ജോഷിയും ഒരുമിച്ച് സിനിമ ചെയ്തിട്ടില്ല.
