പ്രശ്നം ഗുരുതരം! ബാഹുബലിക്കൊപ്പം അഭിനയിക്കാൻ സമ്മതമല്ലെന്ന് നായികമാർ!

ബാഹുബലി ഹിറ്റായിട്ടും പ്രഭാസിന് നായികമാരെ കിട്ടുന്നില്ല!

ഇന്ത്യൻ സിനിമയുടെ തന്നെ തലവര മാറ്റിയ ചിത്രമാണ് ബാഹുബലി. രാജമൗലിയുടെയും പ്രഭാസിന്റേയും അനുഷ്കയുടെയും കരിയർ ടോപ്പായി മാറിയിരിക്കുകയാണ് ചിത്രം. ബാഹുബലിയിൽ അഭിനയിച്ച അഞ്ചു വർഷം പ്രഭാസ് മറ്റ് ചിത്രങ്ങളിൽ ഒന്നും അഭിനയിച്ചിരുന്നില്ല.

അഞ്ച് വർഷത്തെ ഇടവേളയ്ക്ക് ശേഷം പ്രഭാസ് പുതിയ ചിത്രത്തിൽ കരാർ ഒപ്പിടുകയും അഭിനയിച്ച് തുടങ്ങുകയും ചെയ്തു. എന്നാൽ, ബാഹുബലിക്ക് മുമ്പ് എന്തായിരുന്നോ പ്രഭാസിന്റെ അവസ്ഥ അതുതന്നെയാണ് ഇപ്പോഴും എന്നാണ് റിപ്പോർട്ടുകൾ. 

പ്രഭാസിന് ഭയങ്കര നീളമാണെന്ന് കാരണം പറഞ്ഞാണ് നായികമാര്‍ ബാഹുബലിക്ക് മുമ്പ് താരത്തെ മാറ്റി നിർത്തിയത്. ബാഹുബലി ഹിറ്റായതോടെ താരത്തോടൊപ്പം അഭിനയിക്കാൻ നായികമാർ പറന്നെത്തുമെന്നാണ് സംവിധായകർ കരുതിയത്. എന്നാൽ അതെല്ലാം തലകീഴായി മാറിയിരിക്കുകയാണ്. 

സുജീത്ത് സംവിധാനം ചെയ്യുന്ന സാഹോ ഹിന്ദി, തമിഴ്, തെലുങ്ക് ഭാഷകളിലായി ഒരുക്കുന്നത് കൊണ്ട് സംവിധായകൻ ബോളിവുഡ് നടിമാരെ ചെന്നുകണ്ടു. കത്രീന കൈഫ്, ശ്രദ്ധ കപൂര്‍, പരിണീത ചോപ്ര എന്നിവരെ സാഹോ എന്ന ചിത്രത്തില്‍ പ്രഭാസിനെ നായികായാകാന്‍ വേണ്ടി ക്ഷണിച്ചു. എന്നാല്‍ സൗത്ത് ഇന്ത്യന്‍ ചിത്രങ്ങളില്‍ അഭിനയിക്കാന്‍ താത്പര്യമില്ല എന്ന് പറഞ്ഞ് മൂവരും പിന്മാറുകയായിരുന്നുവത്രെ. ബോളിവുഡ് നടിമാര്‍ക്ക് നീളമല്ല പ്രശ്‌നം, ഇമേജാണ്.