മഞ്ജു വാര്യര്‍ ചിത്രത്തിന് നല്‍കാന്‍ പൃഥ്വിരാജിന് ഡേറ്റില്ല, പകരക്കാരന്‍ ടോവിനോ!

മഞ്ജു വാര്യര്‍ നായികയാകുന്ന സിനിമയില്‍ അഭിനയിക്കാന്‍ പൃഥ്വിരാജിന് ഡേറ്റില്ല. അതോടെ സംവിധായകന്‍ പകരക്കാരനെ കണ്ടെത്തി. അത് മറ്റാരുമല്ല, യുവതാരം ടോവിനോ തോമസ്!

കമല്‍ സംവിധാനം ചെയ്യുന്ന ‘ആമി’യില്‍ അഭിനയിക്കാന്‍ പൃഥ്വിക്ക് ഡേറ്റ് ഇല്ലാതെ വന്നപ്പോഴാണ് പകരക്കാരനായി ടോവിനോ എത്തിയത്. ചിത്രത്തില്‍ കാമിയോ റോളാണ് ടോവിനോയ്ക്ക്.

അതിഥിവേഷമാണെങ്കിലും കഥയില്‍ ഏറെ പ്രാധാന്യമുള്ള ഒരു കഥാപാത്രത്തെയാണ് ടോവിനോ അവതരിപ്പിക്കുന്നത്. മുരളി ഗോപി, അനൂപ് മേനോന്‍ തുടങ്ങിയവരും ചിത്രത്തില്‍ സുപ്രധാനവേഷങ്ങളില്‍ എത്തുന്നു.

കൊല്‍ക്കത്തയാണ് ചിത്രത്തിന്‍റെ പ്രധാന ലൊക്കേഷന്‍. നവംബറില്‍ അവസാനഘട്ട ഷൂട്ടിംഗ് ആരംഭിക്കുന്ന ‘ആമി’ ക്രിസ്മസിന് പ്രദര്‍ശനത്തിനെത്തും. മാധവിക്കുട്ടി - കമലാദാസ് - കമല സുരയ്യ എന്നിങ്ങനെ മലയാളത്തിന്‍റെ പ്രിയ സാഹിത്യകാരിയുടെ വിവിധ കാലഘട്ടങ്ങളിലുള്ള ജീവിതമാണ് മഞ്ജു വാര്യര്‍ അവതരിപ്പിക്കുന്നത്.