'മലയാളി പ്രേക്ഷകനെ പറ്റിക്കാന്‍ നിങ്ങള്‍ക്കാവില്ലാ’ - പറവ കണ്ട ഹരീഷ് പേരടിയുടെ പ്രതികരണം

‘സൌബിന്‍ തുടങ്ങിയിട്ടേയുള്ളു’ - ഹരീഷ് പേരടി

സൌബിന്‍ ഷാഹിര്‍ ആദ്യമായി സംവിധാനം ചെയ്ത പറവയെ പ്രശംസിച്ച് നിരവധി പ്രമുഖര്‍ ഇതിനോടകം രംഗത്തെത്തിക്കഴിഞ്ഞു. പറവയേയും സൌബിനേയും ഒപ്പം സൌബിന്റെ പറവ കാണാനെത്തിയ മലയാളി പ്രേക്ഷകരേയും അഭിനന്ദിച്ച് നടന്‍ ഹരീഷ് പേരടി. ഫേസ്ബുക്കിലൂടെ ആയിരുന്നു ഹരീഷിന്റെ പ്രതികരണം.

സൗബിന്‍ എന്ന സംവിധായകന്റെ ആത്മാര്‍ത്ഥതയും നിഷക്കളങ്കതയുമാണ് ആ സിനിമയെ നാളെ ലോകോത്തരമാക്കാന്‍ പോകുന്നത്. എന്നാല്‍ സിനിമയെക്കാള്‍ എനിക്ക് ബഹുമാനം തോന്നിയത് അത് കാണാന്‍ വന്ന മലയാളി പ്രേക്ഷകരോടാണ്. നല്ലതിനെ തിരഞ്ഞെടുക്കാന്‍ ഞങ്ങളെ ആരും പഠിപ്പിക്കണ്ടാ എന്ന് പറയാതെ പറയുന്ന ഈ ചങ്കൂറ്റത്തെ ഒരു കലാക്കാരന്‍ എന്ന നിലയില്‍ ഞാന്‍ നമസ്‌ക്കരിക്കുന്നു എന്നാണ് ഹരീഷിന്റെ പരാമര്‍ശം.