മാസ്റ്റര്‍പീസ് ഒന്നൊന്നര വിരുന്ന് തന്നെയാകും! - മാസ്സ് എന്റര്‍ടെയ്നറുമായി മമ്മൂട്ടി!

ആരാധകര്‍ക്കൊരു വിരുന്നൊരുക്കാന്‍ മമ്മൂട്ടി എത്തുന്നു മാസ്റ്റര്‍പീസുമായി!

മമ്മൂട്ടി ആരാധകര്‍ക്കായി അജയ് വാസുദെവ് ഒരുക്കുന്ന ‘മാസ്റ്റര്‍പീസ്’ നവംബറില്‍ റിലീസ് ചെയ്യുമെന്നാണ് പ്രതീക്ഷ. മമ്മൂട്ടി ഫാന്‍സിന് മാസ്റ്റര്‍ പീസ് ഒരു ഒന്നൊന്നര വിരുന്ന് തന്നെയാകുമെന്ന് നടന്‍ ഉണ്ണി മുകുന്ദന്‍ പറയുന്നു. ചിത്രത്തില്‍ മറ്റൊരു പ്രധാനകഥാപാത്രത്തെ അവതരിപ്പിക്കുന്നത് ഉണ്ണി മുകുന്ദനാണ്.

‘കിടിലൻ സംഘട്ടന രംഗങ്ങൾ അടങ്ങുന്ന ഒരു മാസ്സ് എന്റെർറ്റൈനെർ. ചിത്രത്തിൽ എനിക്കും പ്രധാനപെട്ട ഒരു വേഷമുണ്ട്. ഒരുപക്ഷെ മല്ലുസിങ്ങിനു ശേഷം ഞാൻ ചെയുന്ന ഏറ്റവും മികച്ച ആക്ഷൻ ചിത്രമാകും ഇത്. മാസ്സ് എന്നൊരു വാക്കിനോട് ഏറെ ചേർന്ന് നിൽക്കുന്ന സിനിമയാകും മാസ്റ്റർപീസ്.” ഉണ്ണി പറയുന്നു.

ചിത്രത്തിന്റെ എഡിറ്റിംഗ് ജോലികൾ അതിവേഗത്തിൽ പുരോഗമിക്കുകയാണ്. രാജാധിരാജയ്ക്ക് ശേഷം മമ്മൂട്ടിയും അജയ് വാസുദേവും ഒന്നിക്കുന്ന ചിത്രമെന്ന പ്രത്യേകതയും മാസ്റ്റര്‍പീസിനുണ്ട്. ചിത്രത്തിന്റെ തിരക്കഥ പുലിമുരുഗൻ രചിച്ച ഉദയകൃഷ്ണയാണ്. എഡ്‌വേഡ്‌ ലിവിങ്സ്റ്റൺ എന്ന കോളേജ് അധ്യാപകനായ കഥാപാത്രത്തെ മമ്മൂക്ക അവതരിപ്പിക്കുന്നു.