‘അറം പറ്റിയ സ്ക്രിപ്റ്റ് ആണല്ലോ ഭായ്’ - രാമലീലയുടെ ഡബ്ബിങ് സമയത്ത് ദിലീപ് സച്ചിയോട് പറഞ്ഞു
ദിലീപ് എത്തിയതുപോലെ രാമനുണ്ണിയും ബലിയിടാന്‍ എത്തുന്നത് ജയിലിനുള്ളില്‍ നിന്നു തന്നെ! - സച്ചി പറയുന്നു
ജനപ്രിയനടന്‍ ദിലീപ് നായകനാകുന്ന പുതിയ ചിത്രം രാമലീല സെപ്തംബര്‍ 28നു തിയേറ്ററുകളിലേക്ക്. നടിയെ ആക്രമിച്ച കേസുമായി ബന്ധപ്പെട്ട വിവാദങ്ങള്‍ കത്തിനില്‍ക്കവേയാണ് ദിലീപിന്റെ പുതിയ ചിത്രം റിലീസ് ചെയ്യാന്‍ തയ്യാറെടുക്കുന്നത്. രാമലീല ദിലീപിന്റെ ഇപ്പോഴത്തെ കഥയാണോ പറയുന്നതെന്ന് പലരും സംശയം പ്രകടിപ്പിച്ചിരുന്നു.
രാമലീലയുടെ ഡബ്ബിങ് ഇങ്ങനെയൊരു കാര്യം ദിലീപും പറഞ്ഞതായി തിരക്കഥാകൃത്ത് സച്ചി വെളിപ്പെടുത്തുന്നു. രാമലീലയുടെ ഡബ്ബിങ് സമയത്ത് ദിലീപ് എന്നോട് പറഞ്ഞത് ‘അറം പറ്റിയ സ്‌ക്രിപ്റ്റാണല്ലോ ഭായി‘ എന്നായിരുന്നുവെന്ന് സച്ചി പറയുന്നു. രാമലീലയിലെ ചില ദൃശ്യങ്ങള്‍ക്കും സംഭാഷണങ്ങള്‍ക്കും ദിലീപിന്റെ സ്വകാര്യ ജീവിതവുമായി ബന്ധമുണ്ടെന്നും ആരോപണങ്ങള്‍ ഉയരുന്നുണ്ട്.
പിതൃക്കള്‍ക്ക് ബലിയിടുന്ന ദൃശ്യമുള്ള സിനിമയുടെ പോസ്റ്ററായിരുന്നു പുറത്തുവന്നത്. അച്ഛന്റെ ശ്രാദ്ധത്തിനു ബലിയിടാന്‍ കോടതി അനുമതി നല്‍കിയാണ് രാമനുണ്ണി എത്തുന്നത്. സിനിമയിലും അങ്ങനെ തന്നെ. രാമലീലയില്‍ ജയിലില്‍ നിന്നു തന്നെയാണ് അച്ഛന് ബലിയിടാന്‍ രാമനുണ്ണി എത്തുന്നത്. ദിലീപിന്റെ യഥാര്‍ഥ ജീവിതത്തിലും ഇങ്ങനെ സംഭവിച്ചത് യാദൃശ്ചികം മാത്രമാണെന്ന് സച്ചി പറയുന്നു.
സിനിമയില്‍ താനെഴുതിയ തിരക്കഥയുമായി സാമ്യമുള്ള നിരവധി കാര്യങ്ങള്‍ ദിലീപിന്റെ യഥാര്‍ഥ ജീവിതത്തില്‍ പിന്നീട് സംഭവിച്ചു എന്ന് സച്ചി പറയുന്നു. എം എല്‍ എ രാമനുണ്ണിയായിട്ടാണ് ദിലീപ് രാമലീലയില്‍ എത്തുന്നത്. രാഷ്ട്രീയ ഗൂഢാലോചയുടെ ഇരയായ രാമനുണ്ണി വിചാരണകളെ നേരിട്ട് സത്യം തെളിയിക്കുന്നതാണ് രാമലീലയുടെ ഇതിവൃത്തം.
