‘ഇനി ആ വേഷം അവതരിപ്പിക്കാന്‍ ഞാന്‍ ഇല്ല’; പാര്‍വതി മനസ് തുറക്കുന്നു

‘ഞാന്‍ ഇനി ആ വേഷം അവതരിപ്പിക്കില്ല’; പാര്‍വതി

ഹിറ്റായ സിനിമകള്‍ അന്യഭാഷകളില്‍ റീമേക്കെടുക്കുന്നത് ഇന്നൊരു പതിവു കാഴ്ച്ചയാണ്. ബാഹുബലിയും മണിചിത്രത്താഴ്, ബോഡീഗാഡ് തുടങ്ങിയ സിനിമകള്‍ ഇതിന് ഉദാഹരണമാണ്. ചിലപ്പോള്‍ സിനിമയില്‍ അഭിനയിച്ചവര്‍ തന്നെയാകും റീമേക്കുകളിലും അഭിനയിക്കുക. അങ്ങനെ അവസരം കിട്ടാന്‍ നിരവധിപേരാണ് കാത്തിരിക്കുന്നത്. എന്നാല്‍ പാര്‍വതി അങ്ങനെയല്ല. 

ബാംഗ്ലൂര്‍ ഡെയ്‌സിലെ സാറായി വീണ്ടും വേഷമിടാന്‍ പാര്‍വതിയ്ക്ക് താല്‍പര്യമില്ല. ഒരു വെബ്സൈറ്റിന് നല്‍കിയ അഭിമുഖത്തിലാണ് പാര്‍വതി ഇക്കാര്യം വ്യക്തമാക്കിയത്. ബാംഗ്ലൂര്‍ ഡെയ്സ് ഹിന്ദിയില്‍ എടുക്കുകയാണെങ്കില്‍ അതില്‍ അഭിനയിക്കുമോ എന്ന ചോദ്യത്തിനായിരുന്നു പാര്‍വതിയുടെ ഈ മറുപടി. ഞാന്‍ ഇപ്പോള്‍ തന്നെ അതിന്റെ തമിഴ് റീമേക്കില്‍ അഭിനയിച്ചുകഴിഞ്ഞു. ഇനി ഒരു റീമേക്കില്‍ അഭിനയിക്കരുതെന്ന് ഞാന്‍ ഇപ്പോള്‍ തിരിച്ചറിയുന്നുവെന്നും പാര്‍വ്വതി വ്യക്തമാക്കി.