അര്‍ജുന്‍ സര്‍ജ വീണ്ടും മലയാളത്തിലേക്ക്. കണ്ണന്‍ താമരക്കുളം സംവിധാനം ചെയ്യുന്ന സിനിമയിലൂടെയാണ് അദ്ദേഹം മോളിവുഡിലേക്ക് വീണ്ടും എത്തുന്നത്. ദിനേശിന്റെതാണ് തിരക്കഥ. 'ജാക്ക് ഡാനിയേല്‍' എന്ന ദിലീപ് ചിത്രത്തിലാണ് അര്‍ജുനെ അവസാനമായി കണ്ടത്. മരക്കാര്‍ അറബിക്കടലിന്റെ സിംഹം നടന്റെ അടുത്തതായി റിലീസ് ചെയ്യാനിരിക്കുന്ന മലയാള ചിത്രമാണ്.
നിഗൂഢമായ ഒരു കഥാപാത്രത്തെയാണ് അര്‍ജുന്‍ അവതരിപ്പിക്കുന്നത്.മുകേഷ്, ബൈജു സന്തോഷ്, അജു വര്‍ഗീസ്, ധര്‍മ്മജന്‍, ഹരീഷ് പേരടി, ആശ ശരത് തുടങ്ങി വലിയ താരനിര തന്നെ അണിനിരക്കുന്നുണ്ട്.രതീഷ് വേഗയുടെതാണ് സംഗീതം. രവിചന്ദ്രന്‍ ഛായാഗ്രഹണവും വി ടി ശ്രീജിത്ത് എഡിറ്റിംഗും നിര്‍വഹിക്കുന്നു.മെയ് മാസത്തില്‍ ഷൂട്ടിംഗ് ആരംഭിക്കും. കണ്ണന്‍ താമരക്കുളം-ദിനേശ് പള്ളത്ത് കൂട്ടുകെട്ടിലെ അഞ്ചാമത്തെ ചിത്രം കൂടിയാണിത്. ആടുപുലിയാട്ടം, മരട് 357, പട്ടാഭിരാമന്‍, തിങ്കള്‍ മുതല്‍ വെള്ളി വരെ തുടങ്ങിയ ചിത്രങ്ങളില്‍ ഇരുവരുടേയും കൂട്ടുകെട്ടില്‍ പിറന്നതാണ്. മരട് 357 റിലീസിന് ഒരുങ്ങുകയാണ്.
