‘വണ്‍സ് അപോണ്‍ എ ടൈം ദേര്‍ ലിവ്ഡ് എ ഗോസ്റ്റ്’ എന്നാണ് ലോകേഷ് കനകരാജ് അടുത്തതായി സംവിധാനം ചെയ്യുന്ന ചിത്രത്തിന്‍റെ ആദ്യ പോസ്റ്ററിലെ വാചകം. കമല്‍ഹാസന്‍ നായകനാകുന്ന ഈ ക്രൈം ഡ്രാമ ചിത്രത്തിന്‍റെ പേരിന്‍റെ പ്രഖ്യാപനം ഇന്നുണ്ടായില്ല. പോസ്റ്ററില്‍ #Kamalhaasan232 എന്നാണ് ചിത്രത്തെ പരാമര്‍ശിച്ചിരിക്കുന്നത്.
തോക്കുകള്‍ കൊണ്ട് സൃഷ്ടിക്കപ്പെട്ട ഒരു കമല്‍‌രൂപം ആണ് ഈ പോസ്റ്ററിലെ ഹൈലൈറ്റ്. ചുവന്ന നിറത്തിലാണ് പോസ്റ്ററും. സ്വാഭാവികമായും രക്‍തച്ചൊരിച്ചിലിന്‍റെ കഥയാകുമെന്ന് ഉറപ്പ്.
അതേസമയം, ചിത്രത്തിന്‍റെ പേരിനെ സംബന്ധിച്ച് ചില റിപ്പോര്‍ട്ടുകള്‍ അന്തരീക്ഷത്തില്‍ പാറിക്കളിക്കുന്നുണ്ട്. ‘എവനെന്‍‌ട്ര് നിനൈത്തായ്’ എന്ന് ചിത്രത്തിന് പേരിട്ടു എന്നാണ് ആ റിപ്പോര്‍ട്ടുകളില്‍ പറയുന്നത്. ‘വിശ്വരൂപം’ എന്ന കമല്‍ ചിത്രത്തിലെ ഒരു ഗാനത്തിലെ ഒരു വരിയില്‍ നിന്നാണ് ആ പേര്. എന്നാല്‍ ഇക്കാര്യത്തില്‍ കമലോ ലോകേഷോ സ്ഥിരീകരണം നടത്തിയിട്ടില്ല.
അടുത്ത വര്‍ഷം പകുതിയോടെ ലോകേഷ് - കമല്‍ ചിത്രം പ്രദര്‍ശനത്തിനെത്തിക്കാനാണ് പരിപാടി. അങ്ങനെയെങ്കില്‍ ഷങ്കര്‍ ചിത്രം ‘ഇന്ത്യന്‍2’വിന്‍റെ ബാക്കി ഭാഗങ്ങളുടെ ചിത്രീകരണം ഉടനെങ്ങും ഉണ്ടാകില്ലെന്നുവേണം കരുതാന്‍.