'ദി പ്രീസ്റ്റ്'നോട് ഏറ്റുമുട്ടുവാന്‍ മമ്മൂട്ടിയുടെ തന്നെ വണ്‍ തിയേറ്ററുകളിലെത്തുന്ന പ്രത്യേകതയുള്ള ദിവസത്തിനായി കാത്തിരിക്കുകയാണ് ആരാധകര്‍. മാര്‍ച്ച് 26 ന് വണ്‍ പ്രദര്‍ശനത്തിനെത്തുമ്പോള്‍ മറ്റെല്ലാവരെയും പോലെ മമ്മൂട്ടിയും ആവേശത്തിലാണ്. തന്റെ രണ്ടു ചിത്രങ്ങള്‍ ഒരേസമയം ബിഗ് സ്‌ക്രീനില്‍ പ്രദര്‍ശിപ്പിക്കുമ്പോള്‍ രണ്ട് ചിത്രങ്ങളെയും ഒരുപോലെ ചേര്‍ത്ത് പിടിച്ചിരിക്കുകയാണ് മെഗാസ്റ്റാര്‍. കേരള മുഖ്യമന്ത്രി കടയ്ക്കല്‍ ചന്ദ്രനും 'ദി പ്രീസ്റ്റ്'ലെ ഫാ.ബെനഡിക്റ്റും ഒരുമിച്ചിരിക്കുന്ന ചിത്രം സോഷ്യല്‍ മീഡിയയിലെ തന്റെ കവര്‍ പിക്ചര്‍ ആക്കി മാറ്റിയിരിക്കുകയാണ് മമ്മൂട്ടി. ദി പ്രീസ്റ്റ് വിജയകരമായി പ്രദര്‍ശനം തുടരുന്നുവെന്നും വണ്‍ മാര്‍ച്ച് 26 മുതല്‍ പ്രദര്‍ശനത്തിനെത്തും എന്നും അദ്ദേഹം ചിത്രത്തിലൂടെ അറിയിച്ചു.
നവാഗതനായ ജോഫിന്‍ ടി ചാക്കോ സംവിധാനം ചെയ്ത 'ദി പ്രീസ്റ്റ്' ഒരു മിസ്റ്ററി ത്രില്ലറാണ്. മമ്മൂട്ടിയുടെ ഫാ.ബെനഡിക്റ്റിനെ ഇരുകൈയും നീട്ടിയാണ് പ്രേക്ഷകര്‍ സ്വീകരിച്ചത്.മാര്‍ച്ച് 11നാണ് ഈ ചിത്രം തിയേറ്ററുകളിലെത്തിയത്. സന്തോഷ് വിശ്വനാഥ് സംവിധാനം ചെയ്യുന്ന പൊളിറ്റിക്കല്‍ ത്രില്ലറാണ് വണ്‍.ബോബി, സഞ്ജയ് എന്നിവര്‍ ചേര്‍ന്നാണ് തിരക്കഥ ഒരുക്കിയിരിക്കുന്നത്.
