ഖാലിദ് റഹ്മാന സംവിധാനം ചെയ്യുന്ന അടുത്ത ചിത്രത്തിൽ നായകൻ മമ്മൂട്ടി ആണ്. അനുരാഗ കരിക്കിൻ വെള്ളം എന്ന തന്റെ ആദ്യ ചിത്രത്തിലൂടെ പ്രേക്ഷകരുടെ പൾസ് അറിയാവുന്ന സംവിധായകനാണ് ഖാലിദ് റഹ്മാനെന്ന് എല്ലാവർക്കും വ്യക്തമായതാണ്.
ഖാലിദ് റഹ്മാന്റെ സംവിധാനത്തിലെത്തുന്ന ഈ ആക്ഷന്‍ കോമഡി ചിത്രത്തിന്റെ പേര് ഉണ്ട എന്നാണ്. പോലീസ് വേഷമാണ് മമ്മൂട്ടിക്ക് ചിത്രത്തില്‍. ബിഗ് ബഡ്ജറ്റില്‍ ആണ് ഈ ചിത്രം ഒരുക്കാന്‍ പോകുന്നത് എന്നാണ് സൂചന.
മൂവി മില്‍ന്റെ ബാനറില്‍ കൃഷ്ണന്‍ സേതുകുമാര്‍ ആണ് ഈ ചിത്രം നിര്‍മ്മിക്കുന്നത്.
കഴിഞ്ഞ ആഴ്ച വിനോദ് വിജയന്റെ സംവിധാനത്തില്‍ അമീര്‍ എന്ന മമ്മൂട്ടിയുടെ മറ്റൊരു ബിഗ് ബജറ്റ് ചിത്രം പ്രഖ്യാപിച്ചിരുന്നു. അധോലോക നായകനായി മമ്മൂട്ടി എത്തുന്നുവെന്നതാണ് പ്രത്യേകത. ഒരേസമയം, അധോലോക നായകനും പൊലീസുമായി അഭിനയിക്കുന്നതിന്റെ തിരക്കിലേക്ക് നീങ്ങുകയാണ് മമ്മൂട്ടി.
നിലവില്‍ തെലുങ്ക് ചിത്രം യാത്രയുടെ ചിത്രീകരണ തിരക്കുകളിലാണ് മമ്മൂട്ടി. നടന്റെ റിലീസ് കാത്തിരിക്കുന്ന പുതിയ ചിത്രങ്ങള്‍ പേരന്‍പ് , യാത്ര എന്നിവയാണ്. മധുരരാജ, മാമാങ്കം എന്നിവയാണ് വരാനിരിക്കുന്ന ചിത്രങ്ങള്‍.