പാട്ട് അടി ആട്ടം - റിപ്പീറ്റ് !പ്രഭുദേവയുടെ 'പേട്ട റാപ്' ഒരു കളര്‍ഫുള്‍ എന്റര്‍ടെയ്‌നര്‍

ജിബൂട്ടി, തേര് എന്നീ സിനിമകള്‍ക്ക് ശേഷം എസ് ജെ സിനു ഒരുക്കുന്ന തമിഴ് ചിത്രമാണ് 'പേട്ട റാപ്'.പ്രഭുദേവ,വേദിക എന്നിവര്‍ പ്രധാന വേഷങ്ങളിലെത്തുന്ന സിനിമയുടെ പൂജ ചടങ്ങുകള്‍ ചെന്നൈയില്‍ നടന്നു.പാട്ട്, അടി, ആട്ടം - റിപ്പീറ്റ് എന്നതാണ് ടാഗ് ലൈന്‍.

പ്രണയത്തിനും ആക്ഷനും സംഗീതത്തിനും ഒപ്പം പ്രഭുദേവയുടെ നൃത്തത്തിനും പ്രാധാന്യം നല്‍കുന്ന ചിത്രമാണ് 'പേട്ട റാപ്'. ഒരു കളര്‍ഫുള്‍ എന്റര്‍ടെയ്‌നര്‍ പ്രതീക്ഷിക്കാം.

പോണ്ടിച്ചേരിയിലും ചെന്നൈയിലുമായി ജൂണ്‍ 15 മുതല്‍ ചിത്രീകരണം ആരംഭിക്കും. കേരളത്തിലും ഷൂട്ട് ഉണ്ടാകും.

വിവേക് പ്രസന്ന, ഭഗവതി പെരുമാള്‍, രമേഷ് തിലക്, കലാഭവന്‍ ഷാജോണ്‍, രാജീവ് പിള്ള, അരുള്‍ദാസ്, മൈം ഗോപി, റിയാസ് ഖാന്‍ തുടങ്ങിയ താരനിര സിനിമയിലുണ്ട്.

ഡിനില്‍ പി കെ തിരക്കഥ ഒരുക്കുന്നു.ജിത്തു ദാമോദര്‍ ഛായാഗ്രഹണവും ഡി ഇമ്മന്‍ സംഗീതവും ഒരുക്കുന്നു. 5 ഗാനങ്ങള്‍ സിനിമയിലുണ്ട്.സാന്‍ ലോകേഷ് എഡിറ്റിംഗ് നിര്‍വഹിക്കുന്നു.ക്രിയേറ്റീവ് കോണ്‍ട്രിബ്യൂഷന്‍ - സഞ്ജയ് ഗസല്‍.

ബ്ലൂഹില്‍ ഫിലിംസിന്റെ ബാനറില്‍ ജോബി പി സാം ആണ് ചിത്രം നിര്‍മ്മിക്കുന്നത്.