വീണ്ടും പ്രണയ നായകനാകാന്‍ നിവിന്‍ പോളി, താരം ഒരുങ്ങുന്നു, പുതിയ വിവരങ്ങള്‍ ഇതാ !

ഈ വര്‍ഷം ആദ്യം പ്രഖ്യാപിച്ച നിവിന്‍ പോളി ചിത്രമാണ് താരം. കിളി പോയി, കോഹിനൂര്‍ എന്നീ ചിത്രങ്ങള്‍ക്ക് ശേഷം വിനയ് ഗോവിന്ദ് സംവിധാനം ചെയ്യുന്ന ചിത്രമാണിത്.ഈസ്റ്റര്‍ ദിനത്തിലായിരുന്നു സിനിമ പ്രഖ്യാപിച്ചത്.വിവേക് ??രഞ്ജിത്തിന്റെതാണ് തിരക്കഥ. കിളി പോയി എന്ന ചിത്രത്തിനുശേഷം ഈ ടീമിനൊപ്പം സംഗീത സംവിധായകനായി രാഹുല്‍ രാജും ഉണ്ട്. ചിത്രത്തിനായുള്ള ജോലികള്‍ രാഹുല്‍ ആരംഭിച്ചുകഴിഞ്ഞു.

കമ്പോസിംഗ് സെഷനുകളിലൊന്നില്‍ നിന്നുള്ള അദ്ദേഹത്തിന്റെ ഫോട്ടോകള്‍ പങ്കുവെച്ചുകൊണ്ട് രാഹുല്‍ തന്നെയാണ് ഇക്കാര്യം അറിയിച്ചത്. റൊമാന്റിക്- കോമഡി, ഫാമിലി എന്റര്‍ടെയ്നര്‍ വിഭാഗത്തില്‍ പെടുന്ന ചിത്രമാണ് താരം.

ഗാനരചയിതാക്കളായ മനു മഞ്ജിത്ത്, ബി കെ ഹരിനാരായണന്‍ എന്നിവരും ടീമിന്റെ ഭാഗമാണ്.പ്രദീഷ് എം വര്‍മ്മ ഛായാഗ്രഹണവും അര്‍ജുന്‍ ബെന്‍ എഡിറ്റിംഗും നിര്‍വഹിക്കുന്നു. ഷൂട്ടിംഗ് തുടങ്ങുന്നതിനു മുമ്പ് മറ്റ് അഭിനേതാക്കളെ കുറിച്ചുള്ള കൂടുതല്‍ വിവരങ്ങള്‍ പുറത്തു വരും.

തുറമുഖം,കനകം കാമിനി കലഹം,എബ്രിഡ് ഷൈനിന്റെ 'മഹാവീര്യര്‍' ,ബിസ്മി സ്പെഷ്യല്‍,ഗ്യാങ്സ്റ്റര്‍ ഓഫ് മുണ്ടന്‍മല തുടങ്ങി നിരവധി ചിത്രങ്ങളാണ് നിവിന്‍ പോളിക്ക് മുന്നിലുള്ളത്. പടവെട്ട് ചിത്രീകരണം ഇനിയും ബാക്കിയാണ്.മഹാവീര്യര്‍ ഷൂട്ടിംഗ് പൂര്‍ത്തിയായി.