സൈനയായി പരിണീതി ചോപ്ര, ടീസര്‍ പുറത്തിറങ്ങി

ഇന്ത്യന്‍ ബാഡ്മിന്റണ്‍ താരം സൈന നേവാളിന്റെ ബയോപിക്കാണ് 'സൈന'. ചിത്രത്തിന്റെ ടീസര്‍ പുറത്തിറങ്ങി.പരിണീതി ചോപ്രയാണ് സൈനയായി വേഷമിടുന്നത്. നടിയുടെ വോയ്സ്ഓവറോടെയാണ് ടീസര്‍ ആരംഭിക്കുന്നത്. ലോകത്തിലെ തന്നെ ഒന്നാം നമ്പര്‍ ബാഡ്മിന്റണ്‍ കളിക്കാരിയായി മാറിയ സൈനയുടെ പ്രചോദനാത്മക യാത്രയാണ് ടീസറില്‍ കാണാനാകുന്നത്. കുട്ടി ആയിട്ടുള്ള സൈനയും താരത്തിന്റെ കുടുംബാന്തരീക്ഷവും ടീസറില്‍ കാണിക്കുന്നുണ്ട്.

ചിത്രത്തിനായി പരിണീതി  വളരെയധികം മുന്നൊരുക്കങ്ങള്‍ നടത്തിയിട്ടുണ്ടെന്ന് ടീസറില്‍ നിന്ന് വ്യക്തമാണ്.'സൈന' തിരക്കഥയെഴുതി സംവിധാനം ചെയ്യുന്നത് അമോല്‍ ഗുപ്‌തെയാണ്. ടി-സീരീസ് ഫിലിംസ് ആണ് ചിത്രം നിര്‍മ്മിക്കുന്നത്. 2021 മാര്‍ച്ച് 26 ന് സിനിമ പ്രദര്‍ശനത്തിനെത്തും.