'ദി പ്രീസ്റ്റ്' സെക്കന്‍ഡ് ടീസറിന് 1.8 മില്യന്‍ കാഴ്ചക്കാര്‍, സന്തോഷം പങ്കുവെച്ച് നിര്‍മാതാക്കള്‍

മമ്മൂട്ടിയുടെ 'ദി പ്രീസ്റ്റ്' റിലീസ് ചെയ്യാന്‍ ഇനി ദിവസങ്ങള്‍ മാത്രം ബാക്കി നില്‍ക്കേ പുറത്തുവന്ന ടീസിന് മികച്ച പ്രതികരണമാണ് ലഭിക്കുന്നത്. പ്രേക്ഷകര്‍ സിനിമ കാണുവാനായി ആവേശത്തോടെ കാത്തിരിക്കുകയാണെന്ന സൂചന നല്‍കിക്കൊണ്ട് ടീസര്‍ യൂട്യൂബില്‍ തരംഗമാകുകയാണ്. 1.8 മില്യന്‍ കാഴ്ചക്കാര്‍ ഇതിനോടകം ടീസര്‍ കണ്ടു കഴിഞ്ഞു. ഈ സന്തോഷം പുതിയ പോസ്റ്റര്‍ പുറത്തിറങ്ങി കൊണ്ടാണ് നിര്‍മാതാക്കള്‍ ആഘോഷമാക്കുന്നത്.

മമ്മൂട്ടി, മഞ്ജുവാര്യര്‍ അടക്കം ചിത്രത്തിലെ പ്രധാന കഥാപാത്രങ്ങളായ നിഖില വിമല്‍, സാനിയ ഇയപ്പന്‍, ബേബി മോണിക്ക എന്നിവരുടെ പോസ്റ്ററാണ് പുറത്തുവന്നിരിക്കുന്നത്.നവാഗതനായ ജോഫിന്‍ ടി ചാക്കോ സംവിധാനം ചെയ്യുന്ന 'ദി പ്രീസ്റ്റ്' ഒരു മിസ്റ്ററി ത്രില്ലറാണ്.അഖില്‍ ജോര്‍ജ് ഡിഒപിയും ഷമീര്‍ മുഹമ്മദ് എഡിറ്റിംഗും നിര്‍വഹിക്കുന്നു. രാഹുല്‍ രാജാണ് ചിത്രത്തിന്റെ സംഗീത സംവിധായകന്‍. ആന്റോ ജോസഫ്, ബി ഉണ്ണികൃഷ്ണന്‍, വി എന്‍ ബാബു എന്നിവര്‍ സംയുക്തമായാണ് ചിത്രം നിര്‍മ്മിക്കുന്നത്.