'ചാലക്കുടിക്കാരന്‍ ചങ്ങാതി' എന്ന ചിത്രത്തിലൂടെ ശ്രദ്ധേയയായ സെന്തില്‍ കൃഷ്ണ നായകനായെത്തുന്ന പുതിയ ചിത്രമാണ് ഉടുമ്പ്. നടന്റെ രൂപം വെളിപ്പെടുത്തുന്ന പുതിയ ലൊക്കേഷന്‍ ചിത്രം പുറത്തുവന്നു .അടിപൊളി മേയ്‌ക്കോവറിലാണ് സെന്തിലിനെ കാണാനാകുന്നത്. നിലവിലെ സാഹചര്യം ശരിയായാല്‍ ഉടന്‍ സിനിമയുടെ റിലീസ് ഉണ്ടാകുമെന്ന് പ്രതീക്ഷിക്കുന്നു.
ടൈറ്റില്‍ കൊണ്ട് തന്നെ ഏറെ ശ്രദ്ധേയമായ സിനിമയില്‍ അടിപൊളി ആക്ഷന്‍ രംഗങ്ങള്‍ വാഗ്ദാനം ചെയ്യുന്ന ലൊക്കേഷന്‍ ചിത്രം കൂടിയാണ് പുറത്തുവന്നത്.
ഡോണുകളുടെയും ഗ്യാങ്സ്റ്റര്‍മാരുടെയും കഥപറയുന്ന ഡാര്‍ക്ക് ത്രില്ലറില്‍ സസ്‌പെന്‍സ് ഒളിഞ്ഞുകിടപ്പുണ്ട്.മലയാള സിനിമയില്‍ അധികം ശ്രമിക്കാത്ത ഒരു തരം സിനിമയാണ് ഇതെന്ന് സംവിധായകന്‍ കണ്ണന്‍ താമരക്കുളം പറഞ്ഞു.പുതുമുഖ നടി ആഞ്ചലീനയാണ് നായിക. നടന്‍ ധര്‍മ്മജനും ഒരു പ്രധാന വേഷത്തില്‍ എത്തുന്നുണ്ട്.24 മോഷന്‍ ഫിലിംസും കെ ടി മൂവി ഹൗസും ചേര്‍ന്നാണ് സിനിമ നിര്‍മ്മിക്കുന്നത്.
