Select Your Language

Notifications

webdunia
webdunia
webdunia
webdunia

വിജയ് സേതുപതിയ്‌ക്കൊപ്പം സംവിധായിക ഇന്ദു വി എസ്,19 (1)(എ) ഒരുങ്ങുന്നു

വിജയ് സേതുപതിയ്‌ക്കൊപ്പം സംവിധായിക ഇന്ദു വി എസ്,19 (1)(എ) ഒരുങ്ങുന്നു

കെ ആര്‍ അനൂപ്

, ശനി, 6 മാര്‍ച്ച് 2021 (10:36 IST)
ഒരു ഇടവേളയ്ക്കുശേഷം വിജയസേതുപതി മലയാളത്തിലേക്ക് തിരിച്ചെത്തുന്ന ചിത്രമാണ് '19 (1)(എ)'. നവാഗതയായ ഇന്ദു വി എസ് സംവിധാനം ചെയ്യുന്ന ചിത്രത്തിന്റെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുന്നു. വിജയ് സേതുപതി തന്റെ ഭാഗത്തിന്റെ ഡബ്ബിങ് വര്‍ക്കുകള്‍ പൂര്‍ത്തിയാക്കുകയാണ്. സംവിധായിക തന്നെയാണ് ചെന്നൈയില്‍ വിജയ് സേതുപതിയുടെ ഡബ്ബിംഗ് ജോലികള്‍ നടക്കുന്ന വിവരം അറിയിച്ചത്. സ്റ്റുഡിയോയില്‍ നിന്നുള്ള ഒരു ചിത്രവും പങ്കുവെച്ചു. ഡബ്ബിങ് സ്‌ക്രീനില്‍ നടി നിത്യ മേനോനിയെയും കാണാം.
 
ഇന്ദ്രജിത്തിനൊപ്പം മലയാളത്തില്‍ സംസാരിക്കുന്ന വിജയ് സേതുപതിയുടെ രംഗങ്ങളും ഈ ചിത്രത്തിലുണ്ട്.ഒരു തമിഴ് എഴുത്തുകാരനായാണ് വിജയ് വേഷമിടുന്നത്.ഇന്ദ്രന്‍സും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ആന്റോ ജോസഫ് നിര്‍മിക്കുന്ന ചിത്രത്തിന് ഗോവിന്ദ് വസന്ത സംഗീത സംവിധാനവും മനീഷ് മാധവന്‍ ഛായാഗ്രഹണവും നിര്‍വഹിക്കുന്നു. സോഷ്യല്‍-പൊളിറ്റിക്കല്‍ ഡ്രാമ വിഭാഗത്തില്‍ പെടുന്ന ചിത്രമായിരിക്കുമിത്.

Share this Story:

Follow Webdunia malayalam

അടുത്ത ലേഖനം

'ഖോ ഖോ'നിങ്ങള്‍ക്ക് ജീവിതമാണ്',രജിഷ വിജയന്‍ ചിത്രം 'ഖോ ഖോ' ടീസര്‍ എത്തി