കരുത്തരായ റയല് മഡ്രിഡിനെ പഞ്ഞിക്കിട്ട് ബാഴ്സലോണ. ലാ ലിഗയിലെ എല് ക്ലാസിക്കോയില് ചിരവൈരികളായ റയല് മഡ്രിഡിനെ ബാഴ്സലോണ എതിരില്ലാത്ത നാല് ഗോളുകള്ക്ക് തകര്ത്തു. റയലിന്റെ ഹോം ഗ്രൗണ്ടായ സാന്റിയാഗോ ബെര്ണാബ്യുവിലാണ് ബാഴ്സയുടെ തേരോട്ടം. സൂപ്പര് താരം പിയറി എമെറിക്ക് ഔബമെയാങ് ഇരട്ട ഗോളുകള് നേടിയപ്പോള് റൊണാള്ഡ് അറൗഹോയും ഫെറാന് ടോറസും ഓരോ ഗോളുകള് വീതം നേടി.
